Արցախցի Լիլիթ Հովհաննիսյանը՝ «Հայաստանի գեղեցկուհի» մրցույթում
- 12:19 03.01.2024
Դեկտեմբերի 29-ին Երևանում կայացավ «Հայաստանի գեղեցկուհի» ազգային մրցույթը։ Դրան մասնակցել է արցախցի Լիլիթ Հովհաննիսյանը և արժանացել «Արցախի գեղեցկուհի» կոչմանը։
Մրցույթի կազմակերպիչը «Miss Yerevan Production» ընկերությունն է՝ Արթուր Վարդապետյանի և Արմինե Մուրադյանի գլխավորությամբ։ Մրցույթին մասնակցությունը վճարովի է, սակայն ընկերության ղեկավարությունը, հաշվի առնելով վերջերս Արցախում տեղի ունեցած ողբերգությունը, համաձայնել է անվճար ընդունել Լիլիթին։
Արցախցի գեղեցկուհին այնքան է հմայել ժյուրիի անդամներին, որ հատուկ նրա համար հորինվել է նոր տիտղոս՝ «Արցախի գեղեցկուհի»։
Լիլիթը և նրա ծնողները երախտապարտ են կազմակերպչին՝ այս հրաշալի մրցույթին մասնակցելու հնարավորության համար։
Արսեն Աղաջանյան
