«Փաշինյանը դրական մեսիջներ է հնչեցրել Զանգեզուրի միջանցքի մասին». թուրք նախարար

Sputnik

«Վերջերս ՀՀ վարչապետ Փաշինյանը դրական ուղերձներ է հայտնել Զանգեզուրի միջանցքի հետ կապված»,- հայտարարել է Թուրքիայի տրանսպորտի եւ ենթակառուցվածքների նախարար Աբդուլկադիր Ուրաlօղլուն:
Նա շեշտեց, որ երբ առաջին անգամ առաջադրվել է այդպիսի նախաձեռնություն, հայկական կողմը բացասական արձագանքեց, չնայած այս նախագծից Հայաստանի համար օգուտների մասին խոսակցությունների:
Նախարարի խոսքով՝ Թուրքիան ակնկալում է միջանցքի նախագիծն իրականացնել մինչև 2029 թվականը։
«Բաքվից Հորադիզ Զանգեզուր միջանցքի ադրբեջանական հատվածը մոտենում է ավարտին։ Թուրքական հատվածի երկարությունը 224 կմ է։ Ընդհանուր առմամբ, այս միջանցքի ստեղծման ողջ գործընթացը կտևի հինգ տարի։ Կարծում եմ, որ 2028 թվականին մենք ամբողջությամբ կավարտենք բոլոր աշխատանքները»,- ասել է Ուրալօղլուն։

Նա ընդգծեց, որ միջանցքի հայկական հատվածի երկարությունը մոտ 43 կմ է։

«Նրանք (Հայաստանը – խմբ.) պետք է պլանավորում և մրցույթներ իրականացնեն, որպեսզի միջանցքը համարվի ավարտված։ Այսպիսով, Թուրքիան ուղիղ և հեշտ մուտք կստանա դեպի թյուրքական աշխարհի և Կենտրոնական Ասիայի երկրներ»,- ասել է նախարարը։

Նա նաև նշել է, որ Իրանն իր հերթին հանդես է եկել ճանապարհ կառուցելու նախաձեռնությամբ, որը կկապի Ադրբեջանը Թուրքիայի հետ՝ շրջանցելով Հայաստանը։ Միևնույն ժամանակ, Ուրալօղլուն կրկին ընդգծել է, որ Զանգեզուրի միջանցքի նախագիծը կիրականացվի, սակայն Անկարան դեմ չէ, որ Իրանը նույնպես իր տարածքով դառնա Թուրքիայի և Ադրբեջանի միջև այդ կապի մաս և ակնկալում է, որ այդ նախագիծը կիրականացվի ժամանակին։