Գոնե հայկական մի անցակետ այնտեղ լինելու՞ է
- 22:30 09.09.2023
Արմինե Պետրոսյանը գրում է․
Ինձ ընդհանրապես չի հետաքրքրում, ով է հումանիտար բեռ բերողը կամ կենսական անհրաժեշտության ինչ ապրանք է հասնելու Արցախ։ Ինձ հետաքրքիր է՝ այդ հումանիտար բեռը որտեղից է մտնելու Արցախ։
Եվ այդքանից հետո շահագործվելու՞ է այդ ճանապարհը, թե՞ չէ, ո՞վ է շահագործելու, գոնե հայկական մի անցակետ այնտեղ լինելու՞ է…
Մենք 9 ամիս լուռ դիմացել ենք, որ այսօր Ակնայով ճանապարհ բացվի՞։ Վերջին 2 ամսվա ընթացքում նկարահանումների ժամանակ բոլորին՝ պետական պաշտոնյա լիներ, թե շարքային քաղաքացի հարցնում էի Ակնայով ճանապարհի բացման իրենց դիրքորոշման մասին ու բոլորը մերժում էին այդ առաջարկը, մատնանշում դրա վտանգները։ Ինչը՞ փոխվեց։ Մեր դիրքորոշումը հաստատ անփոփոխ էր։
Ասում են՝ իրավիճակն օրհասական էր։ Բայց գոյություն ունի Լաչինի միջանցք, գոյություն ունի Հայաստան-Արցախ կյանքի ճանապարհ, եթե այդքան մտահոգ եք։
Մենք հաստա՞տ պայքարի ուղին ենք ընտրել։ Ես պայքարի նման ճանապարհ չեմ ընտրել։