Ուկրաինայի ուժերի հարձակումը Բելբեկի օդանավակայանի վրա. հայտնում են ռուս գեներալ Տատարենկոյի լիկվիդացման մասին
- 09:47 02.02.2024
Օկուպացված Ղրիմի Բելբեկի օդանավակայանում ռուսական զորքերի դիրքերի վրա Ուկրաինայի զինված ուժերի հարձակման արդյունքում ոչնչացվել է ռուսական բանակի 10 զինծառայող, այդ թվում՝ ավիացիոն էսկադրիլիայի հրամանատար, գեներալ-լեյտենանտ Ալեքսանդր Տատարենկոն։ Այս մասին գրում է Ukraine 365 Telegram ալիքը՝ հղում անելով ռուսական փաբլիկների հաղորդագրություններին։
Հաղորդվում է, որ երկու հրթիռ խոցել է 38-րդ կործանիչ ավիացիոն գնդի հրամանատարական կետը, ևս մեկ հրթիռ գրոհել է օդանավակայանի կապի կետը։ «Հարվածի հետևանքով զոհվել է 10 զինծառայող։ Զոհվածների թվում է կործանիչ գնդի ավիացիոն էսկադրիլիայի հրամանատար Ալեքսանդր Տատարենկոն»,- գրում են ռուսական ալիքները։
Նշվում է նաև, որ Ուկրաինայի զինված ուժերը հակառակորդի համար անսպասելի երթուղիներով թեւավոր հրթիռներ են արձակել. դրանց մեծ մասն անցել է Սև ծովի ջրային մակերևույթի վրայով։