Ռուսալան ԱԴԾ-ն պնդում է, որ կանխել է ՄիԳ-31 կործանիչ առևանգելու փորձը
- 13:46 11.11.2025
Ռուսաստանի ԱԴԾ-ն պնդում է, որ խափանել է Ուկրաինայի ռազմական հետախուզության և դրա ենթադրյալ «բրիտանական օգնականների» կողմից իրականացված գործողությունը, որը նպատակ ուներ առևանգել ռուսական ՄիԳ-31 գերձայնային կործանիչը, որը կրում է «Կինժալ» հիպերձայնային օդ-օդ հրթիռը: Ռուսաստանի հետախուզական ծառայության հասարակայնության հետ կապերի կենտրոնի երեքշաբթի՝ նոյեմբերի 11-ին, հայտարարության մեջ նշվում է, որ Ուկրաինայի պաշտպանության նախարարության գլխավոր հետախուզական վարչության աշխատակիցները փորձել են հավաքագրել ռուս օդաչուներին՝ խոստանալով նրանց 3 միլիոն դոլար համագործակցության համար։
ԱԴԾ-ի տվյալներով՝ ուկրաինական հետախուզական ծառայությունը այնուհետև «պլանավորել է «Կինժալ» հրթիռը տեղափոխող ինքնաթիռը ուղարկել ՆԱՏՕ-ի Հարավարևելյան Եվրոպայի ամենամեծ ավիաբազայի տեղակայման տարածք, որը գտնվում է Ռումինիայի Կոնստանցա քաղաքում, որտեղ այն կարող էր խփվել ՀՕՊ համակարգերի կողմից: Ռուսաստանի հետախուզական ծառայությունը հայտարարել է, որ ՄիԳ-31-ը առևանգելու գործողությունը նախատեսված էր 2025 թվականի նոյեմբերի 4-ին: