Ուժեղ Հայաստանն առաջարկում է արցախցիների համար առանձին թաղամաս կառուցել

Ուժեղ Հայաստան կուսակցության առաջնորդ Նարեկ Կարապետյանը, ներայացնելով նախընտրական ծրագիրը, հայտնել է, որ «Ուժեղ Հայաստան» կուսակցությունը, իշխանության գալուց հետո կօգնի արցախահայերին հաստատվել Հայաստանում և պահպանել մշակութային ընդհանրությունը։

«Երևանում պետք է կառուցվի թաղամաս, որտեղ մեծամասամբ կապրեն արցախահայերը, որպեսզի պահպանեն իրենց բարբառը, մշակույթն ու սովորույթները։ Մենք պետք է վստահ լինենք, որ նրանց վերադարձն Արցախ կլինի անվտանգ, և որ նրանց իրավունքները կհարգվեն։ Մենք չենք կարող թույլ տալ, որ նրանք գտնվեն գերու կարգավիճակում։

Երբ վստահ լինենք, որ նրանց կյանքն Արցախում անվտանգ կլինի, մենք կգնանք նրանց՝ Արցախ վերադարձի ճանապարհով»,- նշել է Կարապետյանը։

Մենք ուրախ ենք, որ Ռուբեն Վարդանյանի հիմնադրած «Ապրելու երկիր» կուսակցությունը միացել է մեզ։ Բաքվի բանտերում պահվող բոլոր հայերը պետք է տուն վերադառնան. նրանք այնտեղ են հայ և հայրենասեր լինելու համար, ասել է Նարեկ Կարապետյանը:

Նա հավելել է, որ այսօր աշխարհում ընդամենը չորս միլիարդատեր է գտնվում կալանքի տակ, և նրանցից երկուսը հայեր են, ովքեր անազատության մեջ են հայտնվել իրենց ազգային գաղափարների համար։

«Նրանցից մեկը հայտնվել է Բաքվի բանտում իր ժողովրդին պաշտպանելու համար, իսկ մյուսը՝ հայաստանյան բանտում՝ Հայ Առաքելական Եկեղեցին պաշտպանելու համար։