Կանադայի վարչապետը Երևանում կհայտարարի՞, որ Արցախի հարցը լուծված չէ

Կանադայի վարչապետ Մարկ Քարնին կմասնակցի Եվրոպական քաղաքական համայնքի (ԵՔՀ) 8-րդ գագաթնաժողովին Երևանում և մայիսի 2-ից 4-ը կայցելի Հայաստան՝ Եվրոպական խորհրդի նախագահ Անտոնիո Կոստայի և ՀՀ վարչապետ Նիկոլ Փաշինյանի հրավերով։ Քարնիի մամուլի ծառայությունը այս մասին հայտարարել է երեքշաբթի՝ ապրիլի 28-ին։

«Սա առաջին դեպքն է, որ գագաթնաժողովին կմիանա ոչ եվրոպական երկրի ղեկավար։ Սա նաև Կանադայի վարչապետի առաջին պաշտոնական այցն է Հայաստան գրեթե մեկ տասնամյակի ընթացքում», – ընդգծել է մամուլի ծառայությունը։

Կանադան միակ երկիրն է, որի գործադիր մարմինները շարունակում են պնդել, որ Արցախյան հարցըչլուծված չէ և պահանջում է բանակցային քաղաքական կարգավորում, որը պետք է հիմնված լինի նաև ժողովրդի ինքնորոշման իրավունքի վրա։