Փաշինյանը “մեղադրեց” Եվրամիությանը և չհիշեց Պուտինի հետ նոյեմբերի 9-ի հայտարարությունը
- 14:24 04.05.2026
2022 թվականին Պրահայում կայացած Եվրոպական քաղաքական համայնքի 1-ին գագաթնաժողովի շրջանակում, Ֆրանսիայի նախագահ Էմանուել Մակրոնի և Եվրոպական խորհրդի նախագահ Շառլ Միշելի նախաձեռնությամբ, կազմակերպվել էր քառակողմ հանդիպում, և հենց այնտեղ Հայաստանը և Ադրբեջանը ճանաչեցին միմյանց տարածքային ամբողջականությունն ու ինքնիշխանությունը՝ 1991 թվականի Ալմա-Աթայի հռչակագրի հիման վրա։ Այդ մասին մայիսի 4-ին Եվրոպական քաղաքական համայնքի 8-րդ գագաթնաժողովի լիագումար նիստի ընթացքում հայտարարել է Հայաստանի վարչապետ Նիկոլ Փաշինյանը։
Նա հավելել է, որ այդ համաձայնությունը ստեղծեց իրական հնարավորություն 2025 թվականի օգոստոսյան Վաշինգտոնի խաղաղության գագաթնաժողովին, Դոնալդ Թրամփի աջակցությամբ և մասնակցությամբ, ստորագրել խաղաղության հռչակագիր։
Նիկոլ Փաշինյանը չհիշատակեց ավելի “հին” հիմքը՝ 2020 թ․ նոյեմբերի 9-ի Պուտինի, Փաշինյանի և Ալիևի հայտարարությունը, որը և սկիզբ է դրել Արցախի ինքնորոշումից հրաժարվելու, Արցախ ռուսական զորքեր մտցնելու, 120 հազ․ մարդու բռնի տեղահանելու “խաղաղ լուծմանը”։
Չհիշատակելով Պուտինի հետ համատեղ հայտարարությունը, Փաշինյանը Արցախն հանձնելու մեղքը հանում է Ռուսաստանից և դնում Եվրոպայի վրա։