Ուշուի ՀՀ հավաքականը մեկնել է Ֆրանսիա․ կազմում արցախցի մարզիկներ կան

Ուշուի Հայաստանի հավաքականը մայիսի 5-ից 11-ը Ֆրանսիայի Լիոն քաղաքում մասնակցում է Ուշուի Եվրոպայի 20-րդ առաջնությանը։ Այս տարի Հայաստանը մրցավայր է ներկայացել 40 հոգանոց կազմով, որոնցից 29 մարզիկներ են։

Մարզիկների շարքում են նաև մի խումբ արցախցի երիտասարդներ ու պատանիներ։ Կարոլինա Համբարձումյանը ևս նրանց մեջ է։ Նա 17 տարեկան է․ սանդա ուշուի մարզաձևով զբաղվում է 2019 թվականից։ Կարոլինան հասցրել է մեկ անգամ Եվրոպայի չեմպիոն դառնալ և մրցավայր է մեկնել կրկնակի չեմպիոն դառնալու հաստատակամությամբ։ Արցախցի մարզիկը նպատակ ունի անպայման հաղթել և արժանապատվորեն վերադառալ Հայաստան։

Կազմում է նաև արցախցի մարզիկ Դավիթ Հովհաննիսյանը։

Դե ինչ, հաջողություններ ենք մաղթում Հայաստանի հավաքականին և սպասում հաղթանակած վերադարձ։

Կարինե Բախշիյան