Կարծում եմ, պատերազմը Լեռնային Ղարաբաղի հանքերին տիրանալու համար էր․ մասնագետ

“Նոյան տապանին տրված հարցազրույցում Հանքարդյունաբերության փորձագետ, Վիլսոնյան Հայաստան ՀԿ նախագահ Գեորգի Անտոնով-Միրզախանյանը հետաքրքիր տվյալներ մեջբերեց։

“Մինչև Լեռնային Ղարաբաղի կորուստը Հայաստանը, համաձայն միջազգային կազմակերպության տվյալների, ավելի հարուստ պաշառներ ուներ, քան Ադրբեջանը։ Որովհետև նավթի և գազի պաշառները Ադրբեջանում գնալով պակասում էին։ Նախնական տվյալներով, պատերազմից հետո Ալիևն արդեն գրանցել է Ադրբեջանի պետական ֆոնդում 2,5 տրիլիոնի պաշառ, որը նա վերցրել է Լեռնային Ղարաբաղից։ Ինձ թվում է, պատերազմը Լեռնային Ղարաբաղի հանքերին տիրանալու համար էր։

Պատահական չէ որ 2020-ի փետրվարին, սեպտեմբերի 27-ի պատերազմը սկսելուց մի քանի ամիս առաջ, Ալիևը պայմանագիր է կնքել ամերիկյան կազմակերպության հետ, այնուհետև նաև բրիտանական ընկերության հետ՝ Արցախում պաշառները շահագործելու մասին”, ասել է նա։

Մասնագետի խոսքով, հիմա հանքերն Արցախում ամբողջ ծավալով շահագործվում են։

Հիշեցնենք, որ 30 տարի այդ հանքերը ևս շահագործվել է, սակայն ոչ թե Արցախի հանրապետության, այլ ռուսական կազմակերպությունների կողմից։ Երկար տարիներ վերլուծաբանները կոչ էին անում Արցախի տարածքի հանքերի բաժնետոմսերի գոնե 30 տոկոսը պետական բալանսում ներգրավել։ Սակայն իշխանությունները կտրուկ հրաժարվում էին, գերադասելով անձնական փոքր բաժնեմասեր ռուսական ընկերություններում։ Իսկ Արցախի բյուջե մտնում էր միայն ռոյալթին։