Հայաստանը կստորագրի 500 միլիոն դոլարի վարկային համաձայնագիր՝ արցախցիներին օգնելու համար
- 09:33 13.05.2026
Առաջիկայում ՀՀ ֆինանսների նախարարությունը վարկային պայմանագրեր կստորագրի Լեռնային Ղարաբաղից տեղահանված անձանց բնակարանային կարիքների ապահովման համար: Sputnik Արմենիայի հետ զրույցում այս մասին ասաց ՀՀ ֆինանսների նախարար Վահե Հովհաննիսյանը։
Նրա խոսքով՝ երկու վարկերից մեկը, որը տրվում է Համաշխարհային բանկի կողմից, կստորագրվի արդեն առաջիկա օրերին, երկրորդը, որը տալիս է Ասիական զարգացման բանկը, ավելի ուշ: Երկու պայմանագրերը, յուրաքանչյուրը` 250 մլն դոլար արժողությամբ, ավելի վաղ հաստատվել են կառավարության և ԱԺ–ի կողմից, մնացել է պաշտոնական ստորագրումը։
Ստացված միջոցները կառավարությունը մտադիր է ուղղել Լեռնային Ղարաբաղից բռնի տեղահանված տասնյակհազարավոր ընտանիքների՝ մոտ 109 հազար մարդու համար հիփոթեքային սուբսիդավորման ծրագրի շարունակմանը: