Արթուր Օսիպյանը Նիկոլ Փաշինյանի հետ այսօրվա բանավեճից հետո ձերբակալվել է
- 20:50 18.05.2026
Արցախցի գործիչ Արթուր Օսիպյանը Նիկոլ Փաշինյանի հետ այսօրվա բանավեճից հետո ձերբակալվել է։ Այս մասին տեղեկացրել է փաստաբան Ռոման Երիցյանը։
«Ինձ հետ կապ են հաստատել Արթուր Օսիպյանի հարազատները եւ տեղեկացրել, որ նա ձերբակալվել է։ Արթուր Օսիպյանի գտնվելու վայրի մասին որեւէ տվյալ չունենք, հեռախոսներն անջատված են, իսկ ֆեյսբուքյան էջը, որտեղ նա ակտիվորեն քննադատում էր նիկոլ Փաշինյանին, ընդհանրապես հեռացվել է համացանցից»,- ասել է Ռոման Երիցյանը։
Նշենք, որ Արաբկիր վարչական շրջանում Նիկոլ Փաշինյանի հետ բանավեճից հետո Արթուր Օսիպյանին ուժով հեռացրել էին տարածքից։
Ներքին գործերի նախարարությունից հաստատում են, որ այսօր Նիկոլ Փաշինյանի հետ վիճաբանած արցախցի Արթուր Օսիպյանը ձերբակալվել է։
«Նշված անձը խուլիգանություն կատարելու կասկածանքով ձերբակալվել և տեղափոխվել է Համայնքային ոստիկանության Արաբկիրի բաժին»,– հայտնել են ՆԳՆ մամուլի ծառայությունից։