«Դուք ինչո՞ւ եք սաղ մնացել, ինչո՞ւ չեք մեռել». բան չունե՞ք ասելու
- 21:29 18.05.2026
«Դուք իսկապե՞ս ոչինչ չունեք ասելու, երբ երկրի ղեկավարը արցախցիներին ուղղված ասում է. «Դուք ինչո՞ւ եք սաղ մնացել, ինչո՞ւ չեք մեռել»։
Սա պարզապես անընդունելի արտահայտություն չէ, այլ ատելության մթնոլորտի խորացում, որը, ցավոք, գալիս է հենց երկրի ղեկավարի կողմից և ժամանակի ընթացքում շատերի համար սկսում է նորմալացվել։
Եթե շարունակվի անգործությունը և պատշաճ արձագանք չլինի, մեզ մի ստիպեք դիմել միջազգային ատյանների՝ մեր իրավունքների խախտման, խտրական վերաբերմունքի և ատելության խոսքի հարցերով։
Այս ամենում առանձնահատուկ պատասխանատվություն ունեք նաև Դուք՝ որպես Մարդու իրավունքների պաշտպան, քանի որ Ձեր մանդատը հենց նման դեպքերին արձագանքելն ու քաղաքացիների իրավունքների պաշտպանությունն ապահովելն է»։