Ընտրություններից 2,5 շաբաթ առաջ “պետականացվում է” Ծառուկյանի ԱրարատՑեմենտը
- 16:05 20.05.2026
Նիկոլ Փաշինյանն այսօր Լոռիում ասաց՝ շատ շուտով ԲՀԿ ղեկավարի բիզնես ողնաշարը՝ Արարատի ցեմենտի գործարանը լինելու է պետական և պատկանելու է ՀՀ-ին»:
«Որովհետև էդ Գուլոյան-Ծառուկյան մաֆիայի մախինացիան բացահայտվել է և ՀՀ կառավարությունն արդեն գրություն է ստացել ՀՀ դատախազությունից, որ այդ գույքը ենթակա է պետականացման, և առաջիկայում՝ շատ արագ, մենք ինչպես ՀԷՑ-ում նշանակեցինք կառավարիչ, այնպես էլ Արարատի ցեմենտում ենք նշանակելու կառավարիչ»,- հայտարարեց Նիկոլ Փաշինյանը:
Արձագանքելով իրեն պատկանող «Արարատցեմենտ» գործարանը պետականացնելու մասին Փաշինյանի հայտարարությանը՝ ԲՀԿ առաջնորդ Գագիկ Ծառուկյանն ասել է, թե դրանով իրեն չեն վախեցնի:
«20 տարի առաջ սեփականաշնորհված գործարանն ասում ա Ծառուկյանից վերցնելու եմ, տամ ժողովրդին: էլի ժողովրդինն ա, աշխատում են, հարկերը տալիս ենք, ինչ վերցրել ենք, մի բան էլ քարը քարին դրել զարգացրել ենք: Դրանով ուզում են Ծառուկյանին վախեցնել: Հակառակը՝ ինչ կա ասելու եմ», – հայտարարել է Սյունիքում քարոզարշավ անող Ծառուկյանը:
Ծառուկյանն ու նրա հարազատներն անցնում են ապօրինի ծագում ունեցող գույքի բռնագանձման գործերով: Այսօր Գլխավոր դատախազությունը հաղորդեց, որ ուսումնասիրել է Կառավարության 2002 թվականի սեպտեմբերի 12-ի թիվ 1465-Ա որոշմամբ օտարված՝ «Արարատցեմենտ» ընկերության մասնավորեցման գործընթացը և հայտնաբերել է մի շարք խախտումներ:
Ալիևը վագոններով նավթ ա բերում, հիմա էլ ուզում է ցեմենտ բերել, ասել է Ծառուկյանը։