«ՄԵՆՔ ԿԱՆՔ» համերգը մայիսի 31-ին կգա Գյումրի
- 09:26 24.05.2026
Մայիսի 31-ին, ժամը 18։00-ին, Գյումրու Մարզամշակութային կենտրոնում տեղի կունենա «ՄԵՆՔ ԿԱՆՔ» մշակութային համերգը։
«Սկսում ենք արդեն սիրված՝ «ՄԵՆՔ ԿԱՆՔ» ծրագրի համայնքային հյուրախաղերը։
Այդ երեկո բեմում կհամախմբվեն արցախյան մշակութային համույթներ և անհատ կատարողներ։ Հնչելու են սիրված և ճանաչված կատարումներ, բեմում կտեսնեք ազգային պարեր, կենդանի երաժշտություն և այն մշակութային արժեքները, որոնք շարունակվում են ապրել ու փոխանցվել սերունդներին՝ անկախ բոլոր դժվարություններից։
Սա պարզապես համերգ չէ։
Սա հանդիպում է հիշողության, ինքնության և մշակույթի հետ։
Սա հնարավորություն է միասին ապրելու այն ջերմությունն ու ուժը, որը կրում է արցախյան մշակույթը։
Գյումրու Մարզամշակութային կենտրոն
Մայիսի 31
15:00-ից՝ ցուցահանդես
18։00 համերգ
Մուտքն ազատ է։
Սիրո՛վ սպասում ենք ձեզ։
Ծրագիրն իրականացվում է «Արցախյան մշակույթի պահպանման կենտրոն» ՀԿ-ի նախաձեռնությամբ և Երևանի ու Գյումրիի Փախստականների համայնքային խորհուրդների համագործակցությամբ, ԵՄ կողմից ֆինանսավորվող «Մարդու իրավունքները փախստականների հետ և նրանց համար» ծրագրի շրջանակում»։
Հիշեցնենք որ 2026 թվականի հունվարի 18-ին Երևանի Կարեն Դեմիրճյանի անվան մարզահամերգային համալիրում կայացավ Արցախի մշակույթին նվիրված լայնածավալ “ՄԵՆՔ ԿԱՆՔ” մշակութային միջոցառումը, որը մեկ հարկի տակ համախմբեց Արցախի գրեթե բոլոր մշակութային կոլեկտիվներին, ինչպես նաև հայաստանյան և արցախյան ճանաչված մենակատարներին։ Միջոցառումը կյանքի կոչվեց Արցախյան մշակույթի պահպանման կենտրոն ՀԿ և ՄՈՒՆՔ տեխնոդպրոցի նախաձեռնությամբ և կազմակերպմամբ՝ դառնալով կարևոր հարթակ Արցախի մշակութային ժառանգության ներկայացման, համախմբման և շարունակականության ապահովման համար։