Ջերմությունը կբարձրանա, բայց տեղումները կշարունակվեն

Հիդրոօդերևութաբանության և մոնիթորինգի կենտրոնի տվյալներով՝ մայիսի 25-26-ը Հայաստանի ողջ տարածքում սպասվում են կարճատև անձրևներ և ամպրոպներ, որոշ շրջաններում հնարավոր է կարկուտ։

Ամպրոպների ժամանակ սպասվում են մինչև 18-22 մ/վրկ քամու պոռթկումներ։ Մայիսի 25-ից 27-ը օրվա ընթացքում ջերմաստիճանը աստիճանաբար կբարձրանա 4-6 աստիճանով։

Երկուշաբթի և երեքշաբթի օրերին Երևանում սպասվում են կարճատև անձրևներ և ամպրոպներ։ Ամպրոպների ժամանակ հնարավոր է նաև ուժեղ քամի։

Այսօր մայրաքաղաքում ցերեկային ջերմաստիճանը կկազմի 22-24°C, իսկ երեկոյան՝ 16-18°C։