Ռուսական գազ Հայաստանի համար. ոչ թե Վրաստանի, այլ Ադրբեջանի տարածքով
- 23:11 31.05.2026
Ռուսաստանի փոխվարչապետ Ալեքսեյ Օվերչուկի խոսքով՝ Հայաստանը, ըստ էության, ռուսական գազին այլընտրանք չունի, և գլխավոր հարցը կլինի մատակարարման ուղին։
«Նրանք [Հայաստանը] պարզապես պետք է նայեն քարտեզին և տեսնեն, թե որ խողովակաշարերն են արդեն գործում։ Նրանք անմիջապես կտեսնեն, թե որտեղից ռուսական գազ կստանան՝ հաշվի առնելով 30% արտահանման մաքսատուրքը, քանի որ դա կլինի շուկայական գին։ Եվ միջնորդները նույնպես կցանկանան ստանալ իրենց բաժին շահույթը», – ասաց փոխվարչապետը։
Նա նշեց, որ նման սցենարի դեպքում Հայաստանի համար գազը կարող է ավելի թանկանալ մաքսատուրքերի, շուկայական գնի և միջնորդների ներգրավվածության պատճառով։
Օվերչուկը բացահայտորեն ակնարկում է, որ Հայաստանը ցանկանում է փակել վրացական երթուղին ռուսական գազի մատակարարման համար և այն տեղափոխել Ադրբեջանի միջով։ Օվերչուկն ասում է, որ դա միևնույն է ռուսական գազ կլինի։
Նաև հարկ է նշել, որ Ռուսաստանը տիրապետում է Հայաստանի ներքին գազաբաշխման ենթակառուցվածքներին, և ցանկացած գազ կբաշխվի «Գազպրոմ-Արմենիայի» կողմից։