Իրանը ցանկանում է, որ Հայաստանը իր «ազգային շահերը» առաջ տանի
- 10:06 09.07.2026
Երեկ Հայաստանում Իրանի դեսպան Խալիլ Շիրղոլամին մամուլի ասուլիս անցկացրեց, որտեղ մի քանի կարևոր հայտարարություններ արեց:
Դեսպանը նախ կոչ արեց մեխանիզմ մշակել Հայաստանում Իրանի հետ սահմանին ամերիկյան ներկայության, ինչպես նաև ԹՐԻՓՓ-ի հետ կապված ռիսկերը կառավարելու համար: Դեսպանը նշեց, որ ամերիկացիները անվստահելի են, և որ ինքնիշխան վերահսկողությունից չի կարելի հրաժարվել: Նա նշեց, որ Իրանը պատրաստ է ընդլայնել իր մասնակցությունը Պարսից ծոցը Եվրոպային կապող Հյուսիս-Հարավ մայրուղու շինարարությանը, որին հիմաակտիվ մասնակում է։
Մասնագետները նշում են, որ Իրան-Հայաստան Հյուսիս-Հարավ մայրուղին կարող է անհամատեղելի լինել TRIPP-ի հետ: Նրանք նաև նշում են, որ TRIPP-ը կապ չունի Հայաստանի շահերի հետ, քանի որ սկզբնապես նախատեսված էր «Ադրբեջանը Նախիջևանի հետ կապելու համար»:
Միևնույն ժամանակ, Իրանի խորհրդարանի նախկին խոսնակ Ղոլամալի Հադդադ Ադելը հայտարարեց, որ ԱՄՆ-ն և Իսրայելը ձգտում են փակել Իրանը Եվրոպա կապող հիմնական ճանապարհներից մեկը Հայաստանի միջոցով: Նա նշեց, որ Թեհրանը Հայաստանը դիտարկում է որպես Եվրոպա տանող ամենակարևոր ցամաքային դարպասներից մեկը, և, հետևաբար, այս երթուղու պահպանումը համապատասխանում է երկու երկրների շահերին։
Թեհրանի համալսարանի Կովկասի ուսումնասիրությունների կենտրոնի տնօրեն Ջաֆար Խաշեն նշում է, որ Իրանը պատրաստ է աջակցել Հայաստանին, եթե այն պատրաստ լինի պաշտպանել սեփական սահմանները։ Նա նշել է, որ Իրանը բազմիցս վերահաստատել է իր հավատարմությունը Հայաստանի տարածքային ամբողջականությանը։
Իսկ երեկ դեսպանը մաղթել է Հայաստանին ներքին համերաշխություն, քանի որ սա միակ միջոցն է, որով Հայաստանը կարող է պաշտպանել իր ազգային շահերը։ Դեսպանի հայտարարությունը՝ լավ խորհուրդ է Հայաստանին՝ առաջ մղելու սեփական ազգային շահերը, այլ ոչ թե ուրիշների։