Զելենսկին փոխեց իր ռազմական ղեկավարությանը․ Զախարովան մեկնաբանել է

Վլադիմիր Զելենսկին հայտարարեց Ալեքսանդր Սիրսկուն Ուկրաինայի զինված ուժերի գլխավոր հրամանատարի պաշտոնից ազատելու որոշման մասին։ Նրան կփոխարինի 43-ամյա գեներալ-մայոր Միխայիլ Դրապատին, որը նախկինում զբաղեցրել է Ուկրաինայի զինված ուժերի միացյալ ուժերի հրամանատարի պաշտոնը։ Մինչ այդ Ուկրաինայի նախագահը պաշտոնանկ էր արել պաշտպանության նախարար Միխայիլ Ֆեդորովին և պաշտոնակատար նշանակել Եվգենի Խմարային։

Ուկրաինական բանակի ղեկավարության հնարավոր փոփոխության մասին հաղորդագրությունները հայտնվեցին հուլիսի սկզբներին Անկարայում կայացած ՆԱՏՕ-ի գագաթնաժողովից անմիջապես հետո, որտեղ Թրամփը փաստացի հավանություն տվեց Ուկրաինայի կողմից Ռուսաստանի խորքում հարվածներին։ ԱՄՆ-ն կարծում է, որ «էսկալացիան Ռուսաստանում կարող է հանգեցնել պատերազմի դեէսկալացիայի»։ ԱՄՆ-ն և եվրոպացիները չեն թաքցնում, որ ռուսական նավթավերամշակման գործարաններին և Ղրիմում ենթակառուցվածքներին հարվածելով՝ փորձում են Պուտինին ստիպել բանակցել։ Այս մոտեցումը վիճելի է, բայց ներկայումս այլ տարբերակ սեղանին չկա։

Վերջին օրերին Ռուսաստանում Wildberries-ի պահեստներն են ենթարկվում հարձակման, ինչը զգալի ազդեցություն է ունեցել հասարակության վրա, հատկապես հիմա, երբ Ռուսաստանը պատրաստվում է Պետդումայի ընտրություններին։ Մոսկվան ինքը մեծացնում է ճնշումը առաջնագծում և սաստկացնում հարձակումները Կիևի և այլ քաղաքների վրա։

Ուկրաինայի զինված ուժերի նոր գլխավոր հրամանատար Միխայիլ Դրապատին և պաշտպանության նախարարի պաշտոնակատար Եվգենի Խմարան, այլ բարձրաստիճան հրամանատարների հետ միասին, շուտով կմշակեն և կներկայացնեն թարմացված ազգային պաշտպանության ծրագիր, ասել է Զելենսկին։ Առաջնահերթությունը երկիրը ռուսական օդային հարվածներից լավագույնս պաշտպանելն է և զորահավաքի փոփոխությունները կատարելը։

Զելենսկին ընդգծել է, որ Ուկրաինան ցանկանում է ստեղծել պայմաններ ռազմաճակատում և Ռուսաստանի վրա ճնշում գործադրելով, որպեսզի Վլադիմիր Պուտինը ցանկանա դադարեցնել պատերազմը։

Որքանո՞վ կարող է Զելենսկու մարտավարությունը, որին աջակցում են եվրոպացի առաջնորդները, արդյունավետ լինել և հանգեցնել Ռուսաստանում ներքին բողոքի ցույցերի և Պուտինի քաղաքականության փոփոխության։ Մինչ այժմ պատերազմի դեմ բողոքի ցույցերի մասին որևէ ակնարկ չկա, մինչդեռ Պուտինից դժգոհություն կա այն պատճառով, որ նա չի կարողանում հաղթել ուկրաինացիներին։

«Ճի՞շտ եմ հասկանում, որ Ֆեդորովն ու Սիրսկին աշխատանքից ազատվեցին հենց այն այսպես կոչված  «մարտադաշտային հաջողությունների» համար, որոնց մասին Զելենսկին գովաբանում էր արևմտյան գագաթնաժողովներում՝ հայտարարելով, թե «որքան հրաշալի է ծախսում գումարները, բայց ավելին է պետք»»,- գրել է Մարիա Զախարովան իր Telegram ալիքում։