Մոսկվան վախենո՞ւմ է հնչեցնել Ալիևի և Էրդողանի անունները

Ռուսաստանի ԱԳՆ մամուլի խոսնակ Մարիա Զախարովայի խոսքով՝ Մոսկվան Երևանի հայտարարությունները Հայաստանի երկաթուղիների ռուսական կոնցեսիայի հնարավոր փոխանցման մասին մեկնաբանում է որպես Արևմուտքի կողմից ճնշման արդյունք, որն ուղղված է հանրապետության տրանսպորտային ոլորտից «ռուսական գործոնի» վերացմանը։

Ինչո՞ւ է Զախարովան հղում անում Արևմուտքին, եթե կոնցեսիայի հարցը ծագել է, ենթադրաբար, այն պատճառով, որ Ադրբեջանն ու Թուրքիան հրաժարվել են օգտագործել Հայաստանի երկաթուղիները ռուսական կոնցեսիայի պատճառով։

Մի քանի ամիս առաջ, երբ Նիկոլ Փաշինյանը փորձեց բացատրել, թե ինչու են Թուրքիան և Ադրբեջանը կտրականապես հրաժարվել շարունակել TRIPP-ը Նախիջևանով և Հայաստանով, նա ակնարկեց, որ հայկական երկաթուղիները ռուսական կոնցեսիայի պատճառով որոշների համար անընդունելի է։

Ավելի վաղ նա ասել էր, որ Ռուսաստանը չի ցանկանում կառուցել Հայաստանի երկաթուղիների շարունակությունը մինչև Թուրքիայի սահմանը՝ Ախուրիկում, Ադրբեջանինի սահմանը՝ Տավուշում և մինչև Նախիջևան, հետևաբար, պետք է հեռանա։

Մոսկվան երկար մտածեց, բայց հետո հայտարարեց, որ դեմ չէ այդ հատվածներից երկուսի կառուցմանը։ Այնուհետև Փաշինյանն ասաց, որ չի ուզում վիճել Ռուսաստանի հետ, բայց Հայաստանի «գործընկերները» դեռևս կնախընտրեին, որ Ռուսաստանը վաճառեր իր կոնցեսիան, օրինակ, Ղազախստանին կամ Կատարին: Նա նույնիսկ նշեց գինը՝ 400 միլիոն դոլար:

Այսօր Փաշինյանը հայտարարեց, որ ինքը որևէ գրավոր առաջարկ չի ստացել և գներ չկան, բայց Ռուսաստանի համար ավելի լավ կլինի վաճառել կոնցեսիան։

Զախարովան մերժեց Երևանի պնդումները, որ ներկայիս կոնցեսիան խոչընդոտում է Հայաստանի մասնակցությունը միջազգային տրանսպորտային և լոգիստիկ նախագծերին։

Զախարովան չմեղադրեց սակայն Ադրբեջանին կամ Թուրքիային՝ հայկական ճանապարհները չօգտագործելու մեջ։ Նա նույնիսկ չմեղադրեց Միացյալ Նահանգներին, չնայած TRIPP-ը ամերիկյան նախագիծ է Հայաստանի մասնակցությամբ։

Զախարովան մեղադրեց անորոշ «Արևմուտքին» Ռուսաստանին տարածաշրջանից դուրս մղելու ցանկության մեջ, չնայած պարզ է, որ եթե Ռուսաստանը հեռանա, հայկական երկաթուղիները չեն հասնի ենթադրական Արևմուտքին։

Ռուսաստանը տարիներ շարունակ Հայաստանը իր գործընկեր Թուրքիային հանձնելու գործընթացի մեջ է, ավարտելով 100-ամյա Կարսի պայմանագիրը, որի համաձայն Ռուսաստանը և Թուրքիան բաժանեցին Հայաստանը։

Ու՞մ կարող են տրվել հայկական հաղորդակցությունների իրավունքներ։

Տարբեր երկրներ հետաքրքրություն են ցուցաբերում TRIPP նախագծի նկատմամբ, բայց երրորդ երկրների մասնակցությունը ներդրումներին կորոշվի Հայաստանի և Միացյալ Նահանգների միջև կնքված համաձայնագրով, այսօր հայտարարեց Նիկոլ Փաշինյանը։

Ցանկում են նաև Թուրքիան և Ադրբեջանը։