AfD-ն հաղթում է Գերմանիայի ևս մեկ նահանգում
- 21:16 20.09.2026
Գերմանիայի արևելյան Մեկլենբուրգ-Պոմերանիա նահանգային խորհրդարանի ընտրություններում ծայրահեղ աջակողմյան «Այլընտրանք Գերմանիայի համար» (AfD) կուսակցությունը բարձր արդյունքներ է գրանցել: Սեպտեմբերի 20-ին, կիրակի օրը, քվեարկության ավարտից հետո հրապարակված ոչ պաշտոնական նախնական արդյունքների համաձայն՝ Մեկլենբուրգ-Պոմերանիում այն զբաղեցնում է առաջին տեղը՝ Գերմանիայի սոցիալ-դեմոկրատական կուսակցության (SPD) նկատմամբ փոքր տարբերությամբ:
Այս արդյունքների համաձայն՝ Մեկլենբուրգ-Պոմերանիա նահանգային խորհրդարանի ընտրություններում AfD-ն առաջատարն է 37.1%-ով: Սա 20.4 տոկոսային կետով ավելի է, քան կուսակցության արդյունքը նախորդ նահանգային ընտրություններում:
Սակայն Բեռլինի Ներկայացուցիչների պալատի ընտրություններում աջակողմյան պոպուլիստները զբաղեցրել են երրորդ տեղը՝ առաջատար Ձախ կուսակցությունից և Քրիստոնեա-դեմոկրատական միությունից (CDU) հետո:
Գերմանիայի կանցլեր Ֆրիդրիխ Մերցը, մեկնաբանելով իր Քրիստոնեա-դեմոկրատական միության (ՔԴՄ) կուսակցության վատ արդյունքները Մեկլենբուրգ-Պոմերանիայի և Բեռլինի նահանգային ընտրություններում կիրակի՝ սեպտեմբերի 20-ի երեկոյան, հայտարարել է, որ մտադիր է շարունակել բարեփոխումների ընթացքը Գերմանիայում որպես կանցլեր և ՔԴՄ առաջնորդ։
Միևնույն ժամանակ, նա ընդունել է, որ Մեկլենբուրգ-Պոմերանիայի քվեարկության արդյունքները «աղետ» էին։