«Ավարի» բաժանում. ձեռնարկություններ և Պետդումայի մանդատներ «ՍՎՕ»-ի մասնակիցներին

Ռուսաստանում ավարտվել են խորհրդարանական ընտրությունները՝ առաջինը Ուկրաինա լայնամասշտաբ ներխուժման սկսվելուց ի վեր։ Կենտրոնական ընտրական հանձնաժողովի նախնական տվյալներով՝ «Եդինայա Ռոսիա»-ն կտիրանա 450 մանդատներից 355-ը՝ ավելի քան երբևէ։ «Եդինայա Ռոսիա»-ն հայտարարել է նաև, որ իր կողմից աջակցվող պատերազմի 49 մասնակիցներ դարձել են պատգամավորներ։

Նույնիսկ նախընտրական քարոզարշավի ժամանակ «Եդինայա Ռոսիա»-ն հայտարարեց, որ ակնկալում է Ուկրաինայում կռված թեկնածուների զգալի խումբ տեսնել Պետդումայում։ Նախագահ Վլադիմիր Պուտինը ևս կոչ է արել աջակցել «СВО-ի վետերաններին», ինչպես պատերազմի մասնակիցներին պաշտոնապես անվանում են Ռուսաստանում: Եվ այսպես, Ուկրաինայի հետ պատերազմի մասնակիցները կկազմեն Պետդումայի պատգամավորների ընդհանուր թվի մոտ 11%-ը։

Մինչդեռ Վլադիմիր Պուտինը ժամանակավոր կառավարման է փոխանցել ամերիկյան Aptar հոլդինգի ռուսական ակտիվները։ Երկրի ղեկավարի հրամանագրով «Ապտար Վլադիմիր» ՍՊԸ-ի կանոնադրական կապիտալի՝ ռուսական «Ապտար» գործարանի բաժնետոմսերի 100%-ը փոխանցվել է H&N ընկերության (Milk Logic) ժամանակավոր կառավարմանը։ Այն ղեկավարում է Ռամզան Կադիրովի եղբորորդի Յակուբ Զաքրիևը։ Ընտրությունների արդյունքում Քադիրովն ինքը վերընտրվեց Չեչնիայի նախագահ՝ հավաքելով ձայների գրեթե 100%-ը։

Ավելի վաղ Auchan-ը և Lemana PRO-ն, ինչպես նաև Nestlé-ի և FM Logistics-ի ակտիվները Ռուսաստանում փոխանցվել են ժամանակավոր կառավարման։ Դրանց թվում են մանրածախ առևտրի ցանցերը, սննդի արտադրության օբյեկտները և բազմաթիվ պահեստներ։

Ռուսաստանի Անվտանգության խորհրդի փոխնախագահ Դմիտրի Մեդվեդևը առաջարկել է անցնել արտասահմանյան ակտիվների ժամանակավոր կառավարմանը փոխանցելուց ավելի առաջ՝ դրանց հարկադիր բռնագրավմանը և պետական ​​սեփականության հանձնելուն։

Ռուսաստանում փորձեր են արվում ստեղծել նոր «ազնվականություն», որը դարեր շարունակ ամբողջ աշխարհում համալրվել է զավթողական արշավների մասնակիցների հաշվին։ СВО-ի մասնակիցներին մանդատ տրամադրելը և արևմտյան բիզնեսներից բռնագրավված ակտիվները «իմպերիայի սպաներին» բաշխելը նոր ռուսական «ազնվականություն» ձևավորելու մաս է կազմում։

Սեփականության բռնագրավումը և վերաբաշխումը տեղի է ունենում նաև Հարավային Կովկասում, որտեղ Ալիևին գրեթե միապետական ​​լիազորություններ են տրվել ռուս-թուրքական պայմանագրերով հայերից բռնագրավված ակտիվները կառավարելու համար։

Հայաստանում նույնպես գույքը վերաբաշխվում է, առանց որի անհնար է «իրական Հայաստանի» նոր «էլիտայի» ձևավորումը։ Իշխանությունները պետք է ինչ-որ կերպ հատուցի տարածաշրջանում «СВՕ»-ի մասնակցածներին, որի իմաստը՝  Արցախը և Նախիջևանը՝ հանուն «ինքնիշխանության» Հայաստանից զավթելն էր։ Միակ ճանապարհը՝ հին էլիտայից սեփականությունը խլելն է։ Իսկ «հաղթական» կողմը որպես «ավար» կստանա հիմա Ռուսաստանին պատկանող հայկական ակտիվները։ Սա է հայկական երկաթուղիները Ռուսաստանից Ղազախստանին փոխանցելու ծրագրի տրամաբանությունը։