«Այս թուղթը բացառապես Ադրբեջանի եւ Նիկոլ Փաշինյանի շահերից է բխում եւ ուժի սպառնալիքի տակ պարտադրված տեքստ է»,- ԱԺ նիստում ասաց «Հայաստան» խմբակության պատգամավոր Արթուր Խաչատրյանը՝ անդրարդառնալով Վաշինգտոնում նախաստորագրված փաստաթղթին։

«Փաստաթուղթը, որը ներկայացվել է, ասում են՝ նաեւ Ադրբեջանի նկատմամբ է պահանջներ դրվում։ Ին՞չ պահանջներ է դրվում Ադրբեջանի նկատմամբ, հարգել Հայաստանի ինքնիշխանությո՞ւնը, չեն հարգում։ Թանաքը չչորացած՝ չեն հարգում, ո՞նց եք ապահովելու էդ հարգանքը։ Էդ թուղթը, որը դուք ներկայացնում եք, թե Ավետարանից բացի գրված ամենակարեւոր տեքստն է, հասկանում եք, չէ՞, որ դա Հայաստանի համար որեւէ խնդիր դրական լուծման չի բերում։ Իրականում սա ուժի սպառնալիքի տակ պարտադրված տեքստ է։ Իսկ Նիկոլ Փաշինյանը գնացել է դրան, որովհետեւ իրեն չեն հետաքրքրում հայկական շահերը, իրեն հետաքրքրում է միայն իր վերընտրության խնդիրը, որ ինքը վեր կենա, ասի՝ ես խոստացել եմ խաղաղություն, ահա այն ստորագրությունը, որը կա։ Եվ դրա համար ինքը պատրաստ է հայկական բոլոր շահերը ոտնահարել։ Դրա համար ինքը չասաց՝ դե ուրեմն բաց տեքստով գրեք, որ Հայաստանն էլ ուղիղ անխոչըդնոտ անցում է ստանում Ադրբեջանի տարածքով, Թուրքիայի տարածքով։ Հայ գերիների վերադարձի հարցը չբարձրացվեց, չասաց՝ չի կարելի միջամտել ներքին գործերին եւ պահանջել Սահմանադրության փոփոխություն ուժի սպառնալիքով։ Արդյոք դա միջամտություն չէ՞, որ Արդբեջանն ասում է՝ ընդդիմությանը թույլ չենք տալու ինչ-որ ռեւանշիստական քայլ անել»,- ասաց Արթուր Խաչատրյանը։

«Հայաստան» խմբակցության պատգաամավոր Քրիստինե Վարդանյանն էլ ասաց․ «Այս փաստաթղթով Ադրբեջանը փակել է Արցախի հարցը, առաջին փաստաթուղթն է, որտեղ որեւէ իրավունք Արցախի վերաբերյալ, որից ծագել է կոնֆլիկտը, չի ամրագրվել։ Հայցերից ամենակարեւորը, որով Ադրբեջանի ղեկավարը մեղադրվում է Արցախում էթնիկ զտում իրականացնելու համար, պարտավորվել են հետ կանչել։ Պարտավորվել են երրորդ երկրների ուժեր չտեղակայել Հայաստանում, գերիներին վերադարձի կետ չի ամրագրվել, զորքերը հետ քաշելու կետ չի ամրագրվել, ԵԱՀԿ Մինսկի խմբի լուծաման գործընթաց է սկսվել։ Ադրբեջանն ամրագրել է ռեւանշիզմի դեմ պայքարի կետը։ Հիմա ձեզ պարզ հարց ենք տալիս՝ Ադրբեջանն ամրագրել է այն բոլոր կետերը, որոնք ուզել է, դուք ի՞նչ կետ եք ուզել ամրագրել, որ չեք կարողացել։ Մենք բացահայտում արեցինք՝ 5 անգամ փորձել եք ամրագրել քարտեզ, որով տարածքային ամբողջականությունը ճանաչվում է, թե որ ուրագծով ճանաչվի, չեք կարողացել։ Ուզեցել եք միջազգային մեխանիզմ ամրագրել, չեք կարողացել»։

Քրիստինե Վարդանյանն ասաց, որ այս թղթում ամրգարել են, թե կողմերը զերծ են մնում միմյանց նկատմամբ ատելություն տարածելուց, որեւէ թշնամական գործողությունից։ «Մեզ «հիվանդ» անվանելը էս թղթի տրամաբանության մեջ տեղավորվո՞ւմ է, թե՞ չի տեղավորվում։ Դուք պայմանավորվել եք հայցերը հետ քաշել, Ադրբեջանում գերիների դատավարությունը եւ Հայաստանին փաստացի դատելը էդ տրամաբանության մեջ է, թե՞ ոչ։ Քանի՞ անգամ է Ադրբեջանը «Զանգեզուրի միջանցք» ասել, Ադրբեջանն ասում է, Թուրքիայի բարձրաստիճան պաշտոնյաներն ասում են «Զանգեզուրի միջանցք», այլ երկրների ղեկավարներն ասում են, մեզ ասում են՝ դուք մի ասեք։ Մենք ջայլամներ ենք, եկեք գլուխներս մտցնենք ավազի մեջ»,- նշեց նա։

Քրիստինե Վարդանյանը նաեւ հարցադրում հնչեցրեց․ «Քըլըչը ինչո՞ւ է Հայաստան եկել հենց այս պայմանագրի նախաստորագրումից հետո, կարո՞ղ է բավարարվել է Թուրքիայի նախապայմանը»։

Ադրբեջանցիներն ունեն իրենց վերքերը, Ադրբեջանում հավատում են, չեմ ասում՝ սա ճիշտ է, թե ոչ, բայց նրանք կարծում են, որ Հայաստանը 30 տարի օկուպացիայի տակ է պահել իրենց երկրի տարածքի 20%-ը։ Այս մասին սեպտեմբերի 11-ին լրագրողների հետ զրույցում հայտարարել է Հայաստանի խորհրդարանի խոսնակ Ալեն Սիմոնյանը։

Մեկ շաբաթ առաջ Ալեն Սիմոնյանը այցելել է Ղրղզստանում գտնվող Չինգիզ Այթմատովի թանգարան և հիշել, որ նա է շրջանառության մեջ դրել «մանկուրտ» բառը։ Սիմոնյանը անտարբեր չէ այս բառի նկատմամբ. երկու ամիս առաջ նա լրագրողներին է անվանել մանկուրտներ։ Ըստ երևույթին, այս բառը նրա համար ցավոտ ախտորոշում է, որը նա անհաջող փորձում է թաքցնել ցինիզմով։

Մանկուրտ Սիմոնյանը, ով լավ հիշում է, որ «ադրբեջանցիները վերքեր ունեն», չի հիշում, որ 100 տարի շարունակ հայ ժողովուրդը կոտորվել է թուրքերի կողմից և վտարվել իր հայրենիքի 9/10-ից, որ Նախիջևանը հայաթափվել է դեռևս Հայաստանի անկախության հռչակումից առաջ, և որ 30 տարի Հայաստանի և ամբողջ հայ ժողովրդի աջակցությամբ դիմադրած հայկական Արցախը ենթարկվել է ցեղասպանության և օկուպացվել ընդամենը 2 տարի առաջ։ Իսկ Ալեն Սիմոնյանը անձամբ մեղադրել է արցախցիներին իրենց հողը լքելու և այնտեղ չմնալու ու չմեռնելու մեջ։

Այժմ Ալեն Սիմոնյանը բացահայտորեն արդարացնում է Ալիևի ցեղասպանական գործողությունները այն փաստով, որ «հայերը 30 տարի օկուպացրել են ադրբեջանական հողերը»։ Ճիշտ այնպես, ինչպես թուրքերը հայերի ցեղասպանությունն արդարացնում են այն փաստով, որ Օսմանյան կայսրության փլուզման ժամանակ հայերը «անցել են թշնամու կողմը», չնայած հայերը պարզապես ցանկանում էին ապրել իրենց հազարամյա հողում։

«Ակնհայտ է, որ Ադրբեջանի համար կարևոր է կանխել ցանկացած ապագա սպառնալիք և թույլ չտալ, ասենք, 50 կամ 100 տարի հետո… Ամեն ինչ կարող է պատահել», – նշել է Ալեն Սիմոնյանը։

Իսկ մի՞թե Հայաստանի համար կարևոր չէ կանխել սպառնալիքը։ Թե՞ հայերը դատապարտված են հավերժական ցեղասպանության՝ մինչև վերջին հային։ Ի՞նչ միջոցներ են ձեռնարկում Ալեն Սիմոնյանը և նրա թիմը, որպեսզի Հայաստանը կարողանա դիմադրել սպառնալիքի դեպքում։ Չնայած այս կառավարության «դիմադրությունը»՝ բանակի, սահմանների, ադրբեջանցիներ «սպանողների» վերացումն է։

«Լարվածություն կա, վերքերը թարմ են։ Ւ՞նչ է, մենք մարդկանց չե՞նք սպանել։ Մարդիկ չե՞ն մահացել ադրբեջանական կողմից», – վրդովվել է Սիմոնյանը։

Մնում է միայն գտնել «մարդասպաններին» և արտահանձնել Հունգարիա։ Այնտեղ մարդասպաններին լավ են դատում, արդար, հետո ուղարկում Բաքու։