2026թ. փետրվարի 26-ին՝ օկուպանտ և ցեղասպան Ադրբեջանի կողմից հորինված, այսպես կոչված, «Խոջալուի ցեղասպանության» զոհերի հիշատակի օրը, Իլհամ Ալիևն, Ադրբեջանի կողմից օկուպացված Արցախի Հանրապետության հինավուրց հայկական բնակավայրում՝ Իվանյանում, մասնավորապես, հայտարարել է. «…թշնամին միշտ պետք է վախենա մեզանից, ինչպես այսօր է վախենում։ Հենց այդ վախի շնորհիվ է, որ ադրբեջանական ժողովուրդն այսօր ապրում է խաղաղության մեջ»:

Ահա սա՛ է ադրբեջանցիների՝ կովկասյան թաթարների, պատկերացրած իրական խաղաղությունը:

Մեջբերվածից հետևում է, որ՝

• հայերի և թուրքերի, հայերի և կովկասյան թաթարների, ովքեր 1936 թվականից հորջորջվում են «ադրբեջանցիներ» անունով, համատեղ գոյակցությունն առնվազն տեսանելի ապագայում հնարավոր չէ:
• հայկական պետականությանը սպառնացող արտաքին վտանգների շարքում առաջնակարգ տեղ զբաղեցնող «Ադրբեջան» անունով արհեստական, կեղծ կազմավորման գոյությունը լրջագույն սպառնալիք է Հայաստանի Հանրապետության համար:
• Հայաստանում պետք է ձևավորվի արհեստավարժ, ազգային, պետական շահերը սպասարկելու հետագիծ, ցանկություն և կարողություն ունեցող վարչակազմ, որն իր արտաքին քաղաքական առաջնահերթ նպատակներից մեկը պետք է դարձնի տեսանելի ապագայում Արցախի Հանրապետության դեօկուպացիային նպաստելու միջոցով Ադրբեջանին ստրատեգիական պարտության մատնելն ու Ադրբեջանի տարածքում ապրող բնիկ էթնիկ հանրույթների պետականության վերականգնմանն ու ստեղծմանը նպաստելը բոլոր հնարավոր միջոցներով՝ այդպիսով հարավկովկասյան տարածաշրջանի քաղաքական քարտեզից վերացնելով «Ադրբեջան» անունով կեղծ, արհեստական կազմավորումն ու բացառելով տեսանելի ապագայում Հայաստան պետությանն արևելքից սպառնացող վտանգը:
• հաշվի առնելով Արցախ-Ադրբեջան, Հայաստան-Ադրբեջան փոխհարաբերությունների ողջ պատմությունը, որը կազմում է մոտավորապես 108 տարի, աներկբա կերպով կարող ենք պնդել, որ հայկական պետականության հետագա գոյությունը շարունակելու է մնալ լրջագույն սպառնալիքի տակ, իսկ մի օր այն կարող է պարզապես դադարել, և Հայաստանի Հանրապետությունում ապրող հայությունը կրկին ենթարկվել թուրքադրբեջանական ցեղասպանության:
• Արցախի Հանրապետության դեօկուպացիան և այնտեղ հայկական իշխանության վերահաստատումը հրամայական անհրաժեշտություն է:
• մենք պետք է մշտապես բարձրացրած պահենք մեր ձեռքը թշնամու գլխին: Իսկ թշնամու գլխին բարձրացված ձեռքը պետք է հարվածի մահացու: Սա՛ է ժամանակի քննությունը բռնած, անառարկելի ճշմարտությունը:

ՍՏԵՓԱՆ ՀԱՍԱՆ-ՋԱԼԱԼՅԱՆ
քաղաքագետ  

«Մարտին կհրապարակվի նոր Սահմանադրության տեքստը։ Ես միշտ ասել եմ՝ տեքստը կհրապարակվի մարտ ամսին, տեքստը գրեթե պատրաստ է, մենք պետք է նաեւ սկսենք խմբակցության մեր գործընկերների հետ։ Այնուհետեւ որոշում կկայացվի հրապարակել տեքստը, բայց պետք է նկատի ունենալ, որ տեքստը հրապարակվելու է այն ցանկությամբ, որ կարծիքներ ստացվեն տեքստի փոփոխության հետ կապված։ Այսինքն՝ մենք բաց ենք լինելու յուրաքանչյուր առաջարկի առաջ, տեքստը լինելու է խիստ նախնական, քննարկելի, որպեսզի մեր հանրությունը ծանոթանա եւ ներկայացնի իր կարծիքը»,- այսօր խորհրդարանում լրագրողների հետ ճեպազրույցում ասաց արդարադատության նախարար Սրբուհի Գալյանը։

Հարցին, թե որ դրույթները դեռ պատրաստ չեն, նախարարը պատասխանեց․ «Դեռ պատրաստ չէ նոր Սահմանադրության նախաբանը, առաջին գլուխը, իսկ երկրորդ եւ երրորդ գլուխները միավորվել են։ Պատրաստ չէ եւ դեռ չի քննարկվել Սահմանադրության մեջ փոփոխություններ անելու վերաբերյալ հոդվածը, կառավարության գլխի հետ կապված որոշակի դրույթներ դեռեւս չեն քննարկվել»։

Հարցին, թե Անկախության հռչակարգի հետ կապված ի՞նչ որոշում է կայացվել, Սրբուհի Գալյանը պատասխանեց․ «Դեռ չենք որոշել, ամեն դեպքում սա մի հարց է, որը շատ երկար քննարկել ենք»։ Հարցին՝ Անկախության հռչակագրի հղումը հանվելո՞ւ է Սահմանադրության նախաբանից, նախարարը պատասխանեց․ «Հիմա ես ձեզ չեմ պատասխանի, երբ որոշում կկայացվի, գնալ այդ ճանապարհով, կասենք։ Որոշումը խորհուրդն է ընդունում, խորհրդում այդ հարցը դեռ չի քննարկվել»։

Նա հավելեց՝ իր ղեկավարած նախարարությունը միշտ այն բանի կողմնակիցն է, որ Հայաստանի Հանրապետության անվտանգությունը, խաղաղությունը, տարածքային ամբողջականությունը երբեւէ վտանգի չենթարկվեն։