Զե-ն ի վերջո ազատեց Զա-ին
- 21:07 08.02.2024
BBC
Ուկրաինայի նախագահ Վլադիմիր Զելենսկին պաշտոնանկ է արել Ուկրաինայի Զինված ուժերի գլխավոր հրամանատար Վալերի Զալուժնիին և նրա փոխարեն նշանակել արևելյան ռազմաճակատի ուկրաինական զորքերի խմբի հրամանատար, գեներալ-գնդապետ Ալեքսանդր Սիրսկուն։
«Այսօրվանից նոր թիմ է սկսում ղեկավարել Ուկրաինայի Զինված ուժերը: Ես գեներալ-գնդապետ Սիրսկուն նշանակել եմ Ուկրաինայի զինված ուժերի գլխավոր հրամանատար»,- հայտարարել է Զելենսկին տեսաուղերձում։
Զելենսկին Սիրսկուն անվանել է «ամենափորձառու ուկրաինացի հրամանատարը» և հիշեցրել, որ նա ղեկավարել է Կիևի հաջող պաշտպանությունը պատերազմի սկզբում, իսկ հետո հաջող հարձակումը 2022 թվականի աշնանը Խարկովի մարզում։
«Ես երախտապարտ եմ գեներալ Զալուժնիին երկու տարվա պաշտպանության համար […] Այսօր մենք բացահայտ խոսեցինք այն մասին, թե ինչն է փոփոխություններ պահանջում բանակում»,- ասել է Զելենսկին Զալուժնիի հետ հանդիպման մասին։ «Ես առաջարկել եմ գեներալ Զալուժնիին շարունակել լինել ուկրաինական պետության թիմի հետ։ Ես շնորհակալ կլինեմ նրա համաձայնության համար»։