Լավագույն պաշտպանությունը նահանջն է՝ ինչ է ուզում Մարուքյանը միջազգային հանրությունից
- 13:11 13.02.2024
Ադրբեջանի կողմից իրականացվող հանցավոր արարքների այս շղթան պետք է դադարեցվի։ Միջազգային հանրությունը պետք է դատապարտի Ադրբեջանի կողմից իրականացված նողկալի, չհրահրված գործողությունների այս շղթան և կոչ անի Ադրբեջանին դուրս բերել իր օկուպացիոն ուժերը Հայաստանի ինքնիշխան տարածքի ավելի քան 215 քառակուսի կիլոմետրից, ինչը փաստացի ագրեսիա և սադրանք է Հայաստանի դեմ»,-
Այս մասին գրել է Փաշինյանի հատուկ հանձնարարություններով դեսպան Էդմոն Մարուքյանը։
Նա նաև նշել է, որ «Ադրբեջանի հետ երկարաժամկետ խաղաղության պայմանագիր բանակցելու և ստորագրելու համար մեզ պետք է ոչ թե մոդերատոր, այլ հուսալի երաշխավոր։ Հակառակ դեպքում դժվար է բանակցել մեկի հետ, ով զենքը պահում է գլխիդ և չի կատարում իր պարտավորությունները»։
Ներքին Հանդում հերթական ագրեսիայի հետ կապված, որը հանգեցրեց 4 հայ զինծառայողի զոհվելուն, ոչ Մարուքյանը, ոչ էլ Հայաստանի մյուս վայ-պաշտոնյաները չեն խոսում ինքնապաշտպանության ու պաշտպանության իրավունքի մասին։ Միջազգային հանրությանը ուղված անհասցե կոչերը միայն ընդգծում են Հայաստանի իշխանության իմպոտենցիան։ Ինչո՞ւ պետք է համաշխարհային հանրությունը դատապարտի Բաքվին և պահանջի դուրս բերել իր զորքերը Հայաստանի տարածքից, եթե Հայաստանն ինքը պատրաստ է նահանջել մինչև վերջին հայը և գյուղը:
Արտաքին գործերի չնախարար Արարատ Միրզոյանն այժմ Բրյուսելում է՝ ըստ երևույթին, որպեսզի համոզի ԵՄ-ին «չմիջամտել» «խաղաղ բանակցություններին» և հետ կանչել ԵՄ դիտորդական առաքելությունը։ Բաքուն և Մոսկվան դժգոհ են այս ԵՄ առաքելությունից, և Երևանը պետք է հասնի դրա դուրսբերմանը։
Երեկ Վարդենիսում բողոքի ակցիաների ժամանակ մարդիկ պահանջում էին իրենց զենք բաժանել, որպեսզի կարողանան պաշտպանել իրենց տները։ Բայց Հայաստանի իշխանության «խաղաղ» քաղաքականությունը չի ենթադրում պաշտպանական գործողություններ։ Լավագույն պաշտպանությունը նահանջն է՝ սա է Հայաստանի կառավարության նոր խոսքը ռազմագիտության մեջ։