«Վըսկէ ծերքեր» էքսպո-2․ այս անգամ բացօթյա
- 16:09 02.04.2024
«Վըսկէ ծերքեր» էքսպոյի արդյունքները հաշվի առնլով՝ «Արցախի մայրիկների աջակցման կենտրոն» հասարակական կազմակերպության ջանքերով ապրիլի 7-ին տեղի է ունենալու «Վըսկէ ծերքեր» 2-րդ էքսպոն Մոսկովյան 6/7 հասցեում՝ «Թումանյանս Արտ»-ի բացօթյա տարածքում:
էքսպոյի կազմակերպիչներից Տաթևիկ Խաչատրյանը նշում է՝ իրենց գլխավոր նպատակն է մինիմալ միջոցների ներգրավմամբ հասնել մաքսիմալ արդյունքի՝ արցախցիներին հնարավորություն տալով ներկայացնել իրենց աշխատանքները:
Էքսպոյի կազմակերպման ընթացքում առաջ է եկել նաև մեկ այլ գաղափար, որը հնարավորություն է տալու մեկ հարթակում` shopinarmenia.am կայքում մեկտեղել բոլոր աշխատանքները և վաճառել դրանք նաև առցանց տարբերակով` աշխարհի բոլոր ծայրերից գնումներ իրականացնելու համար:
Խոսելով այն մասին, թե ինչով է առանձնանալու այս անգամ էքսպոն, Տաթևիկ Խաչատրյանը նշեց, որ նախ այս անգամ փառատոնը տեղի է ունենալու բացօթյա տարածքում, ինչը հնարավորություն է տվել ընդգրկել ավելի շատ մասնակիցներ` նախորդ 50-ի փոխարեն 65 մասնակից, ընդ որում՝ այս անգամ նախապատվությունը տրվել է նրանց, ովքեր նախորդ անգամ արտադրողների քանակի սահմանափակության պատճառով չկարողացան մասնակցել:
Բացօթյա էքսպոյի առավելություններից մեկն էլ պատահական անցորդների ուշադրությունը նույնպես գրավելն է:
Քրիստինե Ալավերդյան
