Օդի ջերմաստիճանը Հայաստանում կնվազի 8-15 աստիճանով. Սուրենյան
- 18:01 05.04.2024
Ապրիլին օդի ջերմաստիճանը կանխատեսվում է նորմայից 2-3 աստիճանով բարձր, իսկ տեղումները՝ նորմային մոտ: Այս մասին ապրիլի 5-ին լրագրողների հետ հանդիպման ժամանակ ասաց «Հիդրոօդերեւութաբանության և մոնիտորինգի կենտրոն» ՊՈԱԿ-ի տնօրեն Լևոն Ազիզյանը։
Մայիսին և հունիսին միջին ջերմաստիճանը կանխատեսվում է նորմայից 1 աստիճանով բարձր, տեղումները նույնպես նորմային մոտ են։
«Հիդրոօդևութաբանության և մոնիտորինգի կենտրոն» ՊՈԱԿ-ի փոխտնօրեն Գագիկ Սուրենյանն ասաց, որ այսօրվանից եղանակային կայուն ռեժիմը կավարտվի, Հայաստանին մոտենում է միջերկրածովյան ցիկլոնը, և առաջիկա 5 օրերին երկիրը պարբերաբար կհայտնվի այս ցիկլոնի ազդեցության տակ։
«Շրջանների մեծ մասում սպասվում է ցրված անձրև, տեղ-տեղ՝ ձյուն:
Օդի ջերմաստիճանն ապրիլի 6-ից 8-ն ընկած ժամանակահատվածում հանրապետության ողջ տարածքում կնվազի 8-10, Լոռիում, Տավուշում և Սյունիքում՝ 14-15 աստիճանով։ Գիշերը օդի ջերմաստիճանը չի նվազի։
Բերքի համար ցրտահարության վտանգ գործնականում չկա»,- նշեց նա։