Էնգելսի թաղը, “պլյաժը” եւ 2-րդ դպրոցը․ նորից կլինի “Գարուն”
- 11:23 19.04.2024
Ստեփանակերտի Ալեք Մանուկյան, Տիգրան մեծ փողոցները գտնվում են հայտնի «Կալցեվոյ»-ից ներքև: Սովետական միության ժամանակ ամբողջ այդ հատվածը Էնգելսի թաղ էր կոչվում:
Այն առանձնանում էր իր նեղլիկ փողոցներով, 9 հարկանի շենքերով, որոնք շատ չէին Ստեփանակերտում: Փողոցի ներքևում հենց այդ շենքերն էին` 3 շենք իրար կողք կողքի, և երբ հարցնում էիր, թե որտեղ եք բնակվում, պատասխանում էին` «Էնգելսա ձիվիծիէտաժկոցը մեջտեղի շենքումը»:
Այդ շենքերից ներքև «Գարունին շենք» էր, որտեղ հայտնի “Գարուն” ռեստորանն էր խորհրդային ժամանակներին։ Այդ շենքերից դուրս գալու մի քանի ճանապարհ կար։ Վերևի ճանապարհին մի տղամարդ դերձակ էր ժամանակին աշխատում, հենց այդտեղ են էնգելսի նորաոճները կարում իրենց հագուստները:
Երեխաները հաճախում էին 2-րդ դպրոցը: Դպրոցի հարևանությամբ գտնվող ողջ հատվածը խոտածածկ էր` երեխաների սիրած վայրն էր, նամանավադ բակային խաղեր խաղալու համար: Հենց այդտեղ էր նաև լողավազանը, որտեղ 80-ականերին դեռ լողանում էին, իսկ ցուրտ օրերին ծնողները նայում էին պատուհանից, որ հանկարծ երեխաները դպրոցից վերադառնալու ժամանակ չլողանան:
Այդ տարածքը ժողովուրդը անվանում էր «պլյաժ»: Պատերազմից հետո «պլյաժում» արդեն ջուր չկար, բայց դրվել է Ալեք Մանուկյանի արձանը և փողոցը վերանվանվել նրա անունով։
Քրիստինա Ալավերդյան
