Գեղամ Ստեփանյանը արժանացել է գերմանական «Շտեֆանուս» քրիստոնյաների հիմնադրամի 2024 թվականի մրցանակին
- 14:14 22.04.2024
Արցախի ՄԻՊ-ն արժանացել է գերմանական «Շտեֆանուս» քրիստոնյաների հիմնադրամի 2024 թվականի մրցանակին՝ Արցախի ժողովրդի իրավունքների պաշտպանության համար ներդրված ջանքերի համար։
Ելույթ ունենալով մրցանակաբաշխության արարողությանը՝ Գեղամ Ստեփանյանն անդրադարձել է Ադրբեջանի կողմից Արցախի ժողովրդի դեմ իրականացված հանցագործություններին, էթնիկ զտման ենթարկված Արցախում հայկական պատմամշակութային ժառանգության նկատմամբ ադրբեջանական վանդալիզմի դեպքերին և դրանք կանխելու անհրաժեշտությանը, Բաքվում ապօրինաբար պահվող հայ ռազմագերիների և պատանդների իրավունքների պաշտպանությանն ու նրանց անհապաղ վերադարձին, ինչպես նաև Արցախի ժողովրդի վերադարձի իրավունքի ճանաչմանն ու դրա իրականացման միջազգային անհրաժեշտ մեխանիզմներին։