«Վերելք». Բիզնեսն առաջ տանելու ևս մեկ հնարավորություն

«Վերելք» ծրագիրը Հայ Հեղափոխական Դաշնակցության երիտասարդական գրասենյակի նախաձեռնությամբ իր գործունեությունը սկսել է ծավալել դեռևս 2021թ Արցախում:

«Ծրագրի նպատակն էր պատերազմից հետո ֆինանսավորել Արցախում երիտասարդների փոքր բիզնեսները և կայուն ձևով առաջ տանել: Նույն ծրագիրն իրականացվում էր նաև Սյունիքում: Բռնի տեղահանումից հետո իրավիճակը տարբեր էր, մարտահրավերները տարբեր էին: Որպես Օփթիմայզ Քոնսալթինգի տնօրեն` առաջարկ ստացա ստանձնելու ծրագրի կազմակերպումը և փոփոխություններ մտցնելու ընթացակարգի մեջ: Ներկայումս արցախցի երիտասարդների հիմնական մարտահրավերը կայուն աշխատանք ունենալն է: Որոշեցինք կազմակերպել 12 դասընթացների շարք, որին մասնակցում են 21-35 տարեկան բռնի տեղահանված  համալսարանական ուսում ունեցող մեր հայրենակիցները: Մրցույթային փուլն անցնելուց հետո ամենաբարձր միավորները հավաքած մասնակիցները հնարավորություն են ունենալու ՀՕՄ-ի շնորհիվ անցնել աշխատանքի: Ծրագրի միջոցով ֆինանսավորվելու է նրանց մեկ տարվա աշխատավարձը»,-ասել է Օփթիմայզ Քոնսալթինգ խորհրդատվական ընկերության հիմնադիր և գործադիր տնօրեն Հրայր Պարսումեանը:

Տաթև Ազիզյան