Կիրանցը բլոկադայի մեջ է․ Նոյեմբերյանից էլ, Բաղանիսից էլ է ճանապարհը փակ է
- 14:40 02.05.2024
Ոստիկանները շրջափակել են Կիրանց գյուղ տանող ճանապարհն ու թույլ չեն տալիս ելումուտ անել գյուղ։ ԱԺ պատգամավոր Գառնիկ Դանիելյանը լրագրողներին ասաց․ «Ես անտառներով եմ եկել, գյուղն այս պահին բլոկադայի մեջ է։ Միայն այս կողմից չէ, Նոյեմբերյանից էլ, Բաղանիսից էլ է ճանապարհը փակ։ Մի երեք ժամ առաջ այնտեղի ժողովուրդը զանգեցին ինձ, ասեցին՝ էնտեղի ճանապարհն էլ է փակ»,- ասաց Գառնիկ Դանիելյանը։
Ոստիկանները թույլ չեն տալիս, որպեսզի գյուղ մտնի նաեւ Բագրատ Սրբազանը։
Հիշեցնենք, որ այսօր Կիրանցի հատվածում սկսվել են ականազարծման աշխատանքներ՝ այդ տարածքներն Ադրբեջանին հանձնելու նպատակով։ Իսկ առավոտյան ժամը 6-ի սահմաններում ոստիկանները մտել են գյուղ ու մոտ 30 տղամարդու, այդ թվում՝ անչափահասների, ծեծելով բերման ենթարկել: