Արցախցի սահմանափակ կարողություններով մարզիկները զրկվել են Հայաստանում մրցումներին մասնակցելու իրավունքից
- 00:09 10.08.2023
Ստեփանակերտի վերականգնողական կենտրոնն իր գործունեության շրջանակներում բազմաթիվ ծրագրեր է իրականացնում։ Այդ թվում՝ Արցախում պարալիմպիկ սպորտի զարգացման վերաբերյալ։
Մինչ շրջափակումը, Քերոլայն Քոքսի վերականգնողական կենտրոնը «Հայկական Ճամբար» և «Լիարժեկ կյանք» հասարակական կազմակերպությունների հետ միասին, ինչպես նաև Արցախի կառավարության աջակցությամբ ամեն տարի անցկացնում էր մարզական միջոցառումներ Արցախում և Հայաստանում, մասնավորապես, Bocce մրցումներ։
Bocce-ն հայտնի պարալիմպիկ մարզաձև է: Արցախում այն կիրառվում է 2010 թվականից։
Մրցույթին մասնակցում էին մարզիկներ Արցախից և ողջ Հայաստանից։ Արցախի թիմը՝ ի դեմս Վերականգնողական կենտրոնի հիվանդների, մեկ անգամ չէ, որ արժանացել է մրցանակների։
Կենտրոնի մնացած հիվանդների համար կազմակերպվել են նաև ուղևորություններ դեպի Սևանա լիճ։
Բերձորի միջանցքի արգելափակման պատճառով հաշմանդամություն ունեցող անձինք զրկված են տարրական իրավունքներից։ Հայաստանի թշնամիների հանցավոր քաղաքականության պատճառով նրանք չեն կարող հանրապետությունից դուրս գալ անգամ մրցույթների և հանգստի համար։
Այնպես որ, «սպորտը քաղաքականությունից դուրս է» արտահայտությունն այլեւս տեղին չէ։
Արսեն Աղաջանյան