Համաշխարհային ճանաչում ունեցող հայ երաժիշտներն Արցախում մասնակցում են վիրտուալ փառատոնի
- 11:48 11.08.2023
Համաշխարհային ճանաչում ունեցող հայ երաժիշտները դեմ են արտահայտվել Արցախի շրջափակմանը և կոչ են արել միջազգային հանրությանը աջակցել Արցախին և դատապարտել Ադրբեջանի գործողությունները։
Ֆեյսբուք սոցիալական ցանցում մեկնարկել է վիրտուալ խաղաղության փառատոնը Արցախում։ Նախաձեռնությանը միացել են կոմպոզիտոր Տիգրան Մանսուրյանը, սոպրանո Մարիա Գուլեգինան և Ռուզան Մանթաշյանը, բարիտոն Գուրգեն Բավիյանը և այլք։
Նախագծի նախաձեռնությունը Հայաստանի երաժիշտներինն է։ Նախագծի մանիֆեստում ասվում է. «Այսօր մենք՝ աշխարհի տարբեր բեմերում ելույթ ունեցող երաժիշտներս, մեր ձայնն ենք բարձրացնում՝ ի պաշտպանություն Արցախի Հանրապետության ժողովրդի, որը հումանիտար աննախադեպ ճգնաժամ է ապրում։ Ութ ամիս շարունակ 120 հազար մարդ գտնվում է լիակատար պաշարման տակ՝ փաստացի ցեղասպանության սպառնալիքի ներքո»։
Արցախցի Անուշ Շահրամանյանը նախագիծն անվանեց հնարավորություն Արցախի լիակատար շրջափակման դեմ հանդես եկող երաժիշտների համար՝ մեկ անգամ ևս աշխարհին ներկայացնելու Արցախ պետությունը, միմյանց աջակցելու և հզորացնելու։