Արցախցիների հավաքը կկայանա նոյեմբերի 30-ին
- 17:42 25.11.2024
Լիաննա Պետրոսյանը գրում է․
Տեղահանվածների սոցիալական խնդիրների լուծման և արժանապատիվ ապրելու պայմաններ ստեղծելու նպատակով հրավիրվող հավաքը տեղի կունենա ս.թ. նոյեմբերի 30-ին(շաբաթ), ժամը՝ 15:00-ին, Ազատության հրապարակում (Օպերայի շենքի հարակից տարածք)։
Օրակարգում՝
1. Սոցիալական աջակցության շարունակականություն բոլորի համար՝ մինչեւ սեփական տանիքով ապահովելը։ 2. Բնակապահովման ծրագրի վերանայում՝ ներկայացված բազմաթիվ առաջարկների հիման վրա։
3. Իրատեսական զբաղվածության ծրագրերի իրականացում։
4. Միջազգային հանրության կողմից մեր իրավունքների ճանաչում։
Հարգելի’ հայրենակիցներ,
սա պարզապես 50 հազարի համար պայքար չէ, անձերի պայքար չէ, այլ՝ մեր ընտանիքների վաղվա օրվա հարցը, որի միակ պատասխանատուն մենք ինքներս ենք։
Տե’ր կանգնենք մեր իրավունքներին։
Հ. Գ. ՀՀ Կառավարության սոցիալական ոլորտի ներկայացուցիչները հավաստիացնում են, որ իրենց կողմից ընդունված բոլոր որոշումները մեզ համար բավարար են և ընդունելի։
Եկե’ք միասին ապացուցենք հակառակը, գրել է Լիաննա Պետրոսյանը։