Երեւանի քաղաքապետարանը այս դեմքով է ծաղրում մայրաքաղաքի բնակիչներին

Երևանի տրանսպորտով ճանապարհորդելու համար QR տոմսերի վավերականության ժամկետի կրճատումը մեկ շաբաթից մինչև 4 օր կնվազեցնի տրանսպորտային համակարգի ծանրաբեռնվածությունը։ Այս մասին լրագրողների հետ հանդիպման ժամանակ ասաց Երևանի փոխքաղաքապետ Սուրեն Գրիգորյանը։

Սկզբում QR կոդերը կարող էին օգտագործվել ակտիվացման պահից 30 օրվա ընթացքում, այնուհետև այդ ժամկետը կրճատվեց մինչև 7 օր, այժմ՝ 4 օր։

«Եթե քաղաքացիները ցանկանում են երկարաժամկետ (30 օր վավերական) տոմս գնել, ապա պետք է փաթեթ ձեռք բերեն տոմսերի միասնական համակարգի transport.yerevan.am կայքից»,- ընդգծեց նա։

Մեկ տոմս գնելով, քաղաքացիերը վճարում են կոնկրետ երթեւեկության համար, 30 օրվա փաթեթով նրանք վճարում են երթեւկության համար, որը կարող է եւ չլինի։ 

Երեւանի քաղաքապետարանն իր տրանսպորտային բարեփոխմամբ շարունակում է ծաղրել մայրաքաղաքի բնակիչներին՝ “ընթացքում” փոխելով կանոնները եւ անգամ նեղություն չտալով իրեն  զեկուցել դրանց մասին։

«Բարեփոխումները» հանգեցրել են նրան, որ բնակիչները պարզապես չեն վճարում երթեւեկության համար։ Քաղաքապետարանը սպառնում է տուգանքներով, սակայն բազմաթիվ տեխնիկական խնդիրները թույլ չեն տալիս անգամ ամենաօրինապահ ուղեւորներին պահպանել կանոնները։