Բրիտանացի նախարար. Թրամփը կարող է լուծել ուկրաինական ճգնաժամը ոչ թե հունվարի 21-ին, այլ մինչև Զատիկ
- 09:18 10.01.2025
Հավանականությունը, որ Ուկրաինայի դեմ Ռուսաստանի պատերազմին վերջ տալու համաձայնությունը ձեռք կբերվի հունվարի 21-ին՝ ԱՄՆ նորընտիր նախագահ Դոնալդ Թրամփի երդմնակալությունից անմիջապես հետո, «մի փոքր թուլացել է», քանի որ վերջնաժամկետը մոտեցվել է Զատիկին: Այսպիսի հայտարարություն է արել Մեծ Բրիտանիայի արտաքին գործերի նախարարության ղեկավար Դեյվիդ Լամմին, ում մեջբերել է The Sun-ը։
Միևնույն ժամանակ նա ասել է, որ չի տեսնում որևէ նախանշան, որը ցույց կտա Պուտինի պատրաստակամությունը մտնել բանակցային գործընթաց։
Բրիտանական դիվանագիտության ղեկավարի կարծիքով, խաղաղության հետսառը պատերազմի դարաշրջանն ավարտվել է, և եվրոպական անվտանգության ապագան այժմ «դանակի եզրին է»: Լամմին պաշտպանել է Թրամփի դիրքորոշումը, որ Եվրոպան պետք է ավելի շատ ներդրումներ կատարի պաշտպանության ոլորտում: Նրա խոսքով՝ ժամանակն է, որ եվրոպական երկրներն ընդունեն, որ ետդարձ չկա։
«Մենք պետք է թույլ չտանք, որ 1990-ականները մթագնեն մեր տեսլականը»,- ասաց նախարարը։ Նա խոստացել է համոզել ՆԱՏՕ-ի բոլոր դաշնակիցներին, որ պաշտպանական ծախսերի ավելացումը ռազմավարական անհրաժեշտություն է:
Հիշեցնենք, որ Թրամփը ՆԱՏՕ-ի դաշնակիցներին կոչ էր արել պաշտպանական ծախսերը հասցնել ՀՆԱ-ի 5%-ի։ Վերլուծաբանների կարծիքով, եթե ՆԱՏՕ-ի երկրներն ավելացնեն իրենց պաշտպանական բյուջեն գոնե մինչեւ 3%, դա կարող է գերազանցել Ռուսաստանի ամբողջ ՀՆԱ-ն։
Վերլուծաբաններն ասում են, որ Ռուսաստանը չի կարող դիմակայել սպառազինությունների նման մրցավազքին: Թեկուզ դժվար թե այդ ամենի պատճառը՝ Ռուսաստանին հաղթելն է։ “Սպառազինությունների մրցավազքը” ուժեղ խթան է դառնալու բարձր տեխնոլոգիական եւ տիեզերական զենք արտադրողների եւ նրանց պետական ֆինանսավորման համար։ Իսկ Թրամփն ու նրա ընկեր Մասկը դրանից անմասն չեն մնա։