Կիրակոսյան․ “Իրավական վեճերի իմաստն ինչ-որ տեղ խաղաղության հաստատումն է”

«Չեմ կարծում, որ խաղաղության գործընթացին կարող են խանգարել երկու երկրների միջեւ առկա իրավական վեճերը։ Իմ կարծիքով՝ իրավական վեճերի իմաստն ինչ-որ տեղ խաղաղության հաստատումն է, այսինքն՝ երբ պետությունները նախաձեռնում են իրավական վեճեր, տարաձայնությունները լուծում են քաղաքակիրթ եղանակով, դա նաեւ պատերազմը կանխարգելել է նշանակում»,- հավելեց Կիրակոսյանը։

Անդրադառնալով Բաքվի պահանջին, որ Հայաստանի կողմից միջզգային դատական ատյաններ ներկայացված հայցերը պետք է հետ վերցվեն, Եղիշե Կիրակոսյանն ասաց․ «Կարծում եմ՝ դա սուվերեն ընտրության հարց է, միջազգային դատարաններ հայց տանելն ինքնին սուվերենության, ինքնիշխանության դրսեւորման կարեւորագույն եղանակ է»։

Նիկոլ Փաշինյանը հայտարարել է Ադրբեջանի դեմ հայցերը միջազգային դատարաններից հետ քաշելու պատրաստակամության մասին։ Անդրադառնալով այս հարցին, Եղիշե Կիրակոսյանն ասաց․ «Չեմ կարող դա բացատրել, ամեն դեպքում, ճիշտ չի լինի, եթե դրա վերաբերյալ  որեւէ մեկնաբանություն տամ։ Բայց կարող եմ վստահ ասել, որ Հայաստանի Հանրապետության կողմից նախաձեռնած, օրինակ, Արդարադատության միջազգային դատարանում քննվող Ռասական խտրականության բոլոր ձեւերի վերացման մասին կոնվենցիայի հիման վրա ընթացող վեճը, հիմնվելով նաեւ Ռասական խաթրականության բոլոր ձեւերի վերացման մասին կոնվենցիայի պրեամբուլայի վրա, միտված է պատերազմը կանխարգելելուն: Ի սկզբանե հենց կոնվենցիայի նպատակներից մեկը եղել է այն, որ ռասիզմ քարոզելու կանխարգելումը  եւ արգելքը միտված է խաղաղության ամրապնդմանը  եւ պատերազմը կանխարգելելուն»։