«Սահլիգ» հումորային արտադրանք՝ արցախյան բարբառով
- 22:44 14.01.2025
«Սահլիգ»-ի հեղինակը Արա Մուսայելյանն է։ Արան «Մունք» տեխնոդպրոցի աշակերտներից է, ով Արցախից տեղահանվելուց հետո որոշեց, որ բարբառի ու մշակույթի պահպանությունը կիրառելի դարձնելով կարող է պահպանել այն։
«Միտքը ծագել է «Artsakh Culture»-ի շրջանակներում գործունեություն ծավալելու ընթացքում, նպատակ էի դրել պահպանել արցախյանն արդեն այլ եղանակով՝ ոչ թե հասարակական կազմակերպության տեսքով, այլ հետաքրքրաշարժ խաղերի, էկո պայուսակների տեսքով, այսպես ասած՝ արցախյանը դարձնել բոլորի առօրյայի մի մասը»,- ասում է Արամը։
«Սահլիգի»-ի նպատակը ժամանցային խաղերի ստեղծումն է։
«Ուզում էի ծրագրի անունը արցախյան բառ լիներ, ունեի մոտ 2-3 տարբերակ, որոնցինց ամենաշատը դուր եկավ հենց Սահլիգ-ջրիկ տարբերակը որի ամբողջությամբ ներկայացնում է մեր խաղերի բնույթը»,- ասում է Արամն ու ավելացնում, որ իր ուսուցչուհու՝ «Մունք»-ի համահիմնադիր Լուիզա Ավանեսյանի հետ աշխատել են եւ արդեն ավարտել են մի քանի էկո-պայուսակների և բացիկների դիզայն։
«Լուիզայի հետ միասին աշխատում ենք նաև սեղանի խաղերի նախագծի շուրջ։
Արդեն գրեթե ավարտել ենք Արցախյան բարբառով «Մոնոպոլիա» խաղի տարբերակը։ Սակայն ֆինանսական սղության պատճառով աշխատանքները շատ դանդաղ են ընթանում»,- ասում է Արան։
Սեղանի խաղերի արցախյան տարբերակն ունենալու համար՝ դիզայնից մինչեւ տպագրություն անհրաժեշտ է 500 հազարից մինչեւ 1 միլիոն դրամ։ Արան հույս ունի, իրականություն դարձնել այս ծրագիրը՝ պահպանելով բարբառը ժամանցի տեսքով։
Մարիամ Սարգսյան