Ցուցահանդես՝ փրկված գեղանկարներով
- 14:54 21.01.2025
Գեղանկարիչ Արծիվ Լալայանը երկու անգամ է տեղահանվել, 2020-ին՝ Հադրութից, իսկ վերջին անգամ՝ Ստեփանակերտից։
Արծիվը կարողացավ Արցախից բերել ամենաթանկը՝ իր բազմանդամ ընտանիքն ու մի քանի կտավ՝ մեքենային ամրացրած։
«Երկրորդ անգամ տեղահանելվելը , որպես գործուղություն կամ դժվարություններ ու տառապանք, իհարկե ազդեցությունը թողել է իմ կյանքի բնական ընթացքի վրա՝ բացասական իմաստով, սակայն իմ որպես արցախցի, հայ մարդու համար ամենածանրը և սարսափելին՝ այդ տեղահանության արդյունքում Արցախի կորուստն ու հայաթափումն է»,-Step1-ին ասել է Արծիվը։
Երեկ նկարչի անհատական ցուցահանդեսը բացվեց «Նարեկացի միություն»-ում, եւ դեռ երկու շաբաթ ցանկացողները հնարավորություն ունեն այցելել եւ վայելել կտավներ, որոնց մի մասը փրկվել են Արցախից, իսկ մյուս մասը Արծիվը տեղահանությունից հետո է նկարել։
Տեղահանությունից հետո սա, թերեւս, եզակի ցուցադրություններից է, որտեղ ցուցադրվում է արցախցի արվեստագետի աշխատանքը։
Մարիամ Սարգսյան
Լուսանկարները՝ Սիրանուշ Սարգսյանի