Կալինինգրադի շրջափակման փորձը լարվածությունը կբարձրացնի աննախադեպ մակարդակի. Պուտին

Կալինինգրադի մարզի շրջափակման փորձը կբարձրացնի լարվածությունը մինչև աննախադեպ մակարդակ, հնարավոր է՝ հանգեցնելով լայնածավալ ռազմական հակամարտության, հայտարարել է ՌԴ նախագահ Վլադիմիր Պուտինը ուղիղ եթերում:

Նրան հարցրել են, թե ինչպիսին կլինի Ռուսաստանի արձագանքը, եթե եվրոպական պետությունները շրջափակեն Կալինինգրադի մարզը:

Պուտինը հույս է հայտնել, որ դա տեղի չի ունենա:

«Եթե մեզ այսպես սպառնան, մենք կվերացնենք այդ սպառնալիքները: Եվ բոլորը պետք է հասկանան և գիտակցեն, որ նման գործողությունները պարզապես կհանգեցնեն հակամարտության աննախադեպ սրացման: Նրանք այն կբարձրացնեն բոլորովին այլ մակարդակի և կընդլայնեն, հնարավոր է՝ հանգեցնելով լայնածավալ զինված հակամարտության», – ասել է նա: