Յուրի Վագանով, Ռուսաստանի անօդաչու ուժերի հրամանատար։ Ո՞վ է նա

Այս տարվա նոյեմբերին Ռուսաստանի իշխանությունները հանդիսավոր կերպով հայտարարեցին զինված ուժերի նոր ճյուղի՝ անօդաչու համակարգերի զորքերի ստեղծման մասին: Ուկրաինա ներխուժման ժամանակ Ռուսաստանի պաշտպանության նախարարությունը շեշտեց զինված ուժերի այս ճյուղի առաջնահերթությունը: Սակայն հրամանատարի անունը դեռևս հրապարակայնորեն չի հայտնվել։

Ռուս z-բլոգերները պնդում են, որ Մոսկվայի մերձակայքում գտնվող Էլեկտրոստալից գործարար և կամավոր Յուրի Վագանովը, որը ռազմական կրթություն չունի, նշանակվել է ռուսական բանակի նոր ճյուղի հրամանատար, հաղորդում է BBC-ն։

Յուրի Վագանովը ծնվել է Ստեփանակերտում 1982 թվականին և մինչև Ռուսաստանի կողմից Ուկրաինա լայնածավալ ներխուժումը Էլեկտրոստալում ամենահայտնի գործարարը չէր: Նրա վերջին աշխատանքի վայրը, ըստ բազաների րտահոսած տվյալների, նշված էր որպես Citystroy-Group LLC, որը վաճառում էր սանտեխնիկա։

«Լինելով ղարաբաղցի հայ, նա իսկապես կառավարում էր սանտեխնիկայի շուկան, այստեղից էլ՝ «Ունիտազ» նշանունը», – ասում է BBC-ի աղբյուրը անօդաչու թռչող սարքերի ոլորտում, որը անձամբ ճանաչում է Վագանովին։

Ներխուժումից հետո Վագանովը սկսեց պարբերաբար մարդասիրական օգնություն հասցնել ինքնահռչակված Դոնեցկի և Լուգանսկի ժողովրդական հանրապետություններին (ԴԺՀ և ԼԺՀ): Այդ ժամանակ Russia Today քարոզչական ալիքը նրա մասին նկարահանեց կեսժամյա «Կամավոր» ֆիլմը: «Հաջողակ ռուս ձեռնարկատերը մարդասիրական օգնություն է տրամադրում Դոնբասի բնակիչներին», – նկարագրել է նրան ֆիլմի ստեղծողը: Վագանովն ինքը RT-ի թղթակցին ասել է. «Ես ծնվել եմ Լեռնային Ղարաբաղում, Ստեփանակերտ քաղաքում, և ես նույնպես մեծացել եմ պատերազմի ժամանակ. նաև ամիսներ շարունակ ապրել եմ նկուղում»:

Պատերազմի ընթացքում Վագանովը կարողացավ զարգացնել բազմազան կապեր և դարձավ ռուսական բանակի համար FPV անօդաչու թռչող սարքերի հիմնական մատակարարներից մեկը:

BBC-ն Վագանովին անվանում է ռուսական «Մադյար». հիշեցնենք, որ 2024 թվականին Ռոբերտ Բրովդին՝ Անդրկարպատյաից էթնիկ հունգարացին, ստեղծել է «Մադյարի թռչունները», նշանակվելով Ուկրաինայի անօդաչու ուժերի հրամանատար:

Նրան նաև համեմատվում է թուրքական Բայրաքթարի հետ, որին համարում են «անօդաչու» մարտերի հայր։