Դատարանը երեք ամսով երկարացրեց Նարեկ Սամսոնյանի ու Վազգեն Սաղաթելյանի կալանքը

Երևանի դատարանը երեք ամսով երկարաձգեց ընդդիմադիր բլոգերներ և փոդքասթի հաղորդավարներ՝ Վազգեն Սաղաթելյանի և Նարեկ Սամսոնյանի նախնական կալանքը։

Դատավորը բավարարեց դատախազի միջնորդությունը, որում, ի թիվս այլ բաների, նշվում էր, որ Վազգեն Սաղաթելյանը Ռուսաստանի քաղաքացի է և, հետևաբար, «կարող է փորձել լքել Հայաստանը»։

Ինքը՝ Սաղաթելյանը, դատախազի հայտարարությունը անվանեց ամոթալի։ Փոդքասթի հաղորդավարը հայտարարեց, որ երբեք չի փախել և չունի դա անելու մտադրություն։

Նրա գործընկեր Սամսոնյանը, դատարանի որոշումը լսելուց հետո, անժամկետ հացադուլ հայտարարեց՝ ի նշան բողոքի։