Վենեսուելայի Նոբելյան խաղաղության մրցանակակիրը իր մեդալը հանձնեց Թրամփին
- 08:51 16.01.2026
Վենեսուելայի ընդդիմության առաջնորդ Մարիա Կորինա Մաչադոն լրագրողներին ասել է, որ հինգշաբթի օրը Սպիտակ տանը կայացած մասնավոր հանդիպման ժամանակ նա ԱՄՆ նախագահ Դոնալդ Թրամփին է հանձնել Նոբելյան խաղաղության մրցանակի մեդալը։
Նա չի մանրամասնել, թե արդյոք ամերիկացի առաջնորդը ընդունել է մրցանակը, որը նա նախկինում բազմիցս ցանկություն էր հայտնել ստանալու։ Fox News-ը, հղում անելով Սպիտակ տան պաշտոնյաներին, հաղորդել է, որ նա ընդունել է։
«Կարծում եմ՝ այսօր պատմական օր է մեզ՝ վենեսուելացիներիս համար», – ասել է Մաչադոն Թրամփի հետ իր առաջին անձնական հանդիպումից հետո։
Այն բանից հետո, երբ ԱՄՆ հատուկ նշանակության ուժերը Կարակասում գերի վերցրին Վենեսուելայի նախագահ Նիկոլաս Մադուրոյին, Թրամփը հրաժարվել է աջակցել Մաչադոյին որպես երկրի նոր առաջնորդի, չնայած նրա գլխավորած շարժումը հաղթանակ է տարել 2024 թվականի ընտրություններում։
Փոխարենը նա համագործակցում է գործող նախագահ Դելսի Ռոդրիգեսի հետ, որը Մադուրոյի փոխնախագահն էր։
Հինգշաբթի օրը Սպիտակ տանը կայացած հանդիպումից առաջ Նոբելյան խաղաղության կենտրոնը սոցիալական ցանցերում գրել է, որ «մեդալը կարող է փոխանցվել ուրիշին, բայց Նոբելյան խաղաղության մրցանակի դափնեկրի կոչումը՝ ոչ»։