Ստեփանակերտի թատրոնը բեմում է․ այսօր՝ «Արա, պա ստի պեն կինի»
- 09:45 20.01.2026
Ստեփանակերտի Վահրամ Փափազյանի անվան թատրոնը այսօր՝ հունվարի 20-ին ներկայանալու է «Արա, պա ստի պեն կինի» ներկայացմամբ։
Երկար դադարից հետո թատրոնը՝ թեև փոքր կազմով, բայց լիարժեք վերադարձել է բեմ։
Ներկայացման բեմադրիչը Ռուզան Խաչատրյանն է։
Ներկայացումը զերծ է ծանր տխրությունից և հանդիսատեսին առաջարկում է անկեղծ ու ազատ ծիծաղ՝ առանց ցավի։ Դահլիճում մարդիկ լիաթոք ծիծաղում են՝ վերապրելով թատրոնի կենդանի շփումը։
Թատրոնի թիմի համար այս բեմադրությունը պարզապես ներկայացում չէ․ այն առաքելություն է և պայքարի ձև։
«Ստեփանակերտ» անունը շարունակում է ապրել բեմում՝ անկախ տարածքից ու պայմաններից։
Ներկայացման դերակատարներից է նաև երիտասարդ դերասան Շողեր Սարգսյանը, ում հետ մեր լրատվականը պատրաստել է դիմանկարային ռեպորտաժ։