Արաղչին ներկայացրել է Իրանում անկարգությունների ժամանակ զոհերի և վնասների թիվը

Իրանում տեղի ունեցած անկարգությունների ընթացքում վնասվել են երկու հայկական եկեղեցիներ, սոցիալական ցանցերում հայտնել է Իրանի արտաքին գործերի նախարար Աբբաս Արաղչին։

Նախարարը հրապարակել է երկրում տեղի ունեցած անկարգությունների հետևանքով գրանցված զոհերի և ավերածությունների մասին տվյալները։

Արտգործնախարարի խոսքով՝ վնասվել է 305 շտապօգնության մեքենա և ավտոբուս, 24 բենզալցակայան, 700 մթերային խանութ, 300 մասնավոր տուն, 750 բանկ, 414 կառավարական շենք, 749 ոստիկանական բաժանմունք, 120 Բասիջ կենտրոն, 200 դպրոց, 350 մզկիթ, 15 գրադարան, երկու հայկական եկեղեցի, 253 ավտոբուսի կանգառ, 600 բանկոմատ և 800 մասնավոր մեքենա։

Նախարարը նշել է, որ զոհերի ընդհանուր թիվը կազմում է 3117։