Եվրամիությունը Իրանի ԻՀՊԿ-ն ներառել է ահաբեկչական կազմակերպությունների ցանկում
- 01:59 30.01.2026
Եվրամիությունը Իրանի Իսլամական հեղափոխության պահապանների կորպուսը ներառել է ահաբեկչական կազմակերպությունների ցանկում, սոցիալական ցանցերում հայտարարել է ԵՄ արտաքին գործերի գերագույն հանձնակատար Կայա Կալասը։
«Բռնաճնշումները չեն կարող անպատասխան մնալ։ ԵՄ արտգործնախարարները հենց նոր վճռական քայլ են ձեռնարկել՝ Իրանի Իսլամական հեղափոխության պահապանների կորպուսը (ԻՀՊԿ) ճանաչելով որպես ահաբեկչական կազմակերպություն։ Ցանկացած ռեժիմ, որը սպանում է իր հազարավոր քաղաքացիների, ձգտում է սեփական կործանմանը»,- գրել է Կալասը: