Թրամփ․ Պուտինը համաձայնել է մեկ շաբաթով դադարեցնել Կիևի վրա հարվածները՝ ցրտերի պատճառով
- 02:13 30.01.2026
ԱՄՆ նախագահ Դոնալդ Թրամփը հինգշաբթի օրը հայտարարեց, որ Ռուսաստանի նախագահ Վլադիմիր Պուտինը համաձայնել է մեկ շաբաթ չհարվածել Կիևին։ Այդ առավոտյան պատերազմի կողմնակից բլոգերները հայտարարեցին Կիևում և Կիևի մարզում, ինչպես նաև Ուկրաինայի ողջ տարածքում ենթակառուցվածքների վրա հարվածներ հասցնելու մորատորիումի մասին։ Կրեմլը կեսօրին հայտարարեց, որ դեռևս չի կարող հաստատել դա։
«Սառնամանիքի, ծայրահեղ ցրտի պատճառով՝ նրանք նույն իրավիճակում են, ինչ մենք՝ ես անձամբ խնդրել եմ նախագահ Պուտինին մեկ շաբաթ չհրաձակել Կիևը և այլ քաղաքներ այս անսովոր ցուրտ եղանակի ընթացքում», – ասաց Թրամփը Սպիտակ տանը իր վարչակազմի անդամների հետ հանդիպման ժամանակ։
«Եվ նա համաձայնվեց դա անել։ Եվ պետք է ասեմ, որ դա շատ գոհացնող էր», – հավելեց ԱՄՆ նախագահը։
Վոլոդիմիր Զելենսկին շնորհակալություն հայտնեց ԱՄՆ նախագահին X սոցիալական ցանցում։
«Կարևոր հայտարարություն ԱՄՆ նախագահի կողմից Կիևի և Ուկրաինայի այլ քաղաքների անվտանգությունն այս ծայրահեղ ձմեռային ժամանակահատվածում ապահովելու հնարավորության մասին։ Էլեկտրաէներգիան կյանքի հիմքն է։ Մենք գնահատում ենք մեր գործընկերների ջանքերը՝ կյանքերը պաշտպանելու համար։ Շնորհակալություն, նախագահ Թրամփ», – գրել է նա։