Հայերը Գրեմմի մրցանակաբաշխության ժամանակ

68-րդ ամենամյա «Գրեմմի» մրցանակաբաշխությունը տեղի ունեցավ Լոս Անջելեսում։

Հայտնի ամերիկահայ երգչուհի Շերը (Շերիլին Սարգսյան) 2026 թվականի «Գրեմմի» մրցանակաբաշխության ժամանակ ստացավ «Կյանքի ընթացքում ունեցած նվաճումների համար» մրցանակը։

Շերին հանդիսավոր արարողությանը դիմավորեցին բուռն ծափահարություններով։

Նա նախկինում արժանացել է «Օսկար», «Էմմի», «Գրեմմի», «Ոսկե գլոբուս», Կաննի կինոփառատոնի «Ոսկե արմավենու ճյուղ», CFDA նորաձևության և Քենեդիի կենտրոնի պատվավոր մրցանակների։

Հայ-ամերիկյան պրոդյուսեր Սև Օհանյանի «Մեղավորներ» ֆիլմը Լոս Անջելեսում կայացած 68-րդ ամենամյա «Գրեմմի» մրցանակաբաշխության ժամանակ արժանացել է երկու «Գրեմմի» մրցանակի, այդ թվում՝ «Լավագույն օրիգինալ երաժշտություն» անվանակարգում։

Այս տարվա սկզբին ֆիլմը ընդգրկվել էր 2026 թվականի «Օսկար» մրցանակաբաշխության կարճ ցուցակում՝ որպես պատմության մեջ ամենաշատ առաջադրված ֆիլմ՝ 16 անվանակարգով, և Օհանյանը պատմություն կերտեց՝ որպես առաջին հայ ամերիկացի, որը որպես պրոդյուսեր առաջադրվել է «Լավագույն ֆիլմ» անվանակարգում։

Կիրակի երեկոյան Լոս Անջելեսում տեղի ունեցավ 68-րդ «Գրեմմի» ամենահեղինակավոր երաժշտական ​​մրցանակաբաշխությունը։ Այս տարի միջոցառումն ավելի քաղաքականացված դարձավ, քան երբևէ, քանի որ շատ հաղթողներ և հյուրեր բողոքում էին ԱՄՆ ներգաղթային ոստիկանության գործողությունների դեմ, որոնք վերջին շաբաթներին կրակել և սպանել էին երկու ցուցարարի:

«Լոս Անջելես Թայմս»-ի հաղորդմամբ՝ 2026 թվականի «Գրեմմի» մրցանակաբաշխության գլխավոր մրցանակները շնորհվել են բրիտանացի երգչուհի Օլիվիա Դինին՝ «Նոր արտիստ» անվանակարգում, ամերիկացի երգչուհիներ Բիլլի Այլիշին և Ֆինեաս Օ’Քոնելին՝ «Տարվա երգ» անվանակարգում, ռեփեր Քենդրիկ Լամարին՝ «Տարվա ձայնագրություն» անվանակարգում, իսկ ռեփեր Բեդ Բաննիին՝ «Տարվա ալբոմ» անվանակարգում։ Արարողության ժամանակ ընդհանուր առմամբ հանձնվել է 95 մրցանակ։