Ինչո՞ւ Իրանն ու Ուկրաինան հրաժարվեցին բանակցել Թուրքիայում, և ի՞նչ կապ ունի TRIPP-ը
- 11:10 05.02.2026
Իրանի արտաքին գործերի նախարար Աբբաս Արաղչին հաստատել է, որ ԱՄՆ-ի հետ բանակցությունները տեղի կունենան Օմանում ուրբաթ օրը։
Նախկինում հաղորդվել էր, որ Իրանը խնդրել է ԱՄՆ-ին բանակցությունները Ստամբուլից տեղափոխել Օման։
Ուկրաինան նույնպես մերժել է Ստամբուլը. ներկայումս ԱՄՆ-ի գլխավորությամբ Ռուսաստանի հետ բանակցությունները տեղի են ունենում Աբու Դաբիում, այլ ոչ թե Թուրքիայում, ինչպես նախատեսված էր։
Ինչո՞ւ Կիևը և Թեհրանը չեն ցանկանում բանակցություններ Ստամբուլում, և ինչո՞ւ է ԱՄՆ-ն այդքան հեշտությամբ մերժում թուրքական միջնորդությունը։
Թուրք քաղաքական վերլուծաբանները նշում են, որ Էրդողանը հավակնում է Մեծ Մերձավոր Արևելքի “նայողի” դերին։ Թուրք նախկին պատգամավոր Կարո Փայլանը նշում է, որ ԱՄՆ-ն, իբր, առանցքային նշանակություն է տալիս Թուրքիային հայ-ադրբեջանական խաղաղության գործընթացում, որը պետք է «լինի տարածաշրջանում տնտեսական գործընթացների պաշտպանը»։
Այնուամենայնիվ, դատելով ԱՄՆ գործողություններից, Թուրքիայի դերի ավելացումը տարածաշրջանում Վաշինգտոնի համար առաջնահերթություն չէ, ընդհակառակը, ավելի շուտ մարտահրավեր է։
Այն փաստը, որ Թրամփը տարածաշրջանի ամենակարևոր հատվածը՝ հայ-իրանական սահմանը՝ դեպի Ադրբեջան և Թուրքիա ելքով, անվանել է իր անունով, ենթադրում է, որ Վաշինգտոնը, հնարավոր է, լիովին չի համաձայնվում տարածաշրջանը կառավարելու մանդատը Թուրքիային փոխանցելու գաղափարի հետ։ Հատկապես, որ Իրանն էլ համաձայն չէ։ Ուկրաինան ևս։